Монстрлар-коммандос
| Creature Connandos | |
| Монстрлар-коммандос | |
| Түрі |
2d анимация |
|---|---|
| Жанры |
суперқаһармандық |
| Сценарист |
Джеймс Ганн |
| Студия |
DC Studios |
| Ел | |
| Маусымдар саны |
2 |
| Сериялар саны |
(тізім) |
| Сериялар ұзақтығы |
20 мин. |
| Телеарна |
Max |
| Трансляция |
5 қаңтар, 2025 |
«Монстрлар-коммандос» (ағылш. Creature Commandos) — ересектерге арналған DC Comics-тің «Монстрлар-коммандос» комикстеріне негізделген америкалық анимациялық суперқаһармандық телесериал. Бұл DC Studios және Warner Bros. Animation компаниялары жасаған «DC Ғаламының» алғашқы телесериалы. Сюжетте Аманда Уоллер жинаған құпия арнайы жасақтағы монстрлар тобы туралы баяндалады. Барлық эпизодтардың сценарийін Джеймс Ганн жазған, жобаның шоураннері – Дин Лори, ал бас режиссер – Ив «Балак» Бижерель.
Анимациялық сериалдағы басты кейіпкерлерді Индира Варма, Шон Ганн, Алан Тьюдик, Зои Чао, Дэвид Харбор және Фрэнк Грилло дыбыстады. 2022 жылдың қазан айында Джеймс Ганн мен Питер Сафран DC Studios-тың басшылары болғаннан кейін, Джеймс Ганн «DC Ғаламы» аясында жаңа сериал жасауға кірісті. 2023 жылдың қаңтарында ол жобаның «Монстрлар-коммандос» деп аталатынын жариялады. Сол уақытта өндіріс басталып, актерлер таңдалуда еді. Сол жылдың сәуір айында актерлік құрам туралы ақпарат шықты. Анимацияны Bobbypills студиясы жасады. «Монстрлар-коммандос» анимациялық телесериалы 2024 жылғы 5 желтоқсаннан 2025 жылғы 16 қаңтарға дейін Max стримингтік сервисінде көрсетіледі. Бұл «DC Ғаламының» «Құдайлар мен монстрлар» деп аталатын алғашқы тарауының алғашқы жобасы болды.
Синопсис
[өңдеу | қайнарын өңдеу]2022 жылы шыққан «Бітімгер» сериалының алғашқы маусымындағы оқиғалардан кейін Аманда Уоллерге енді адамдарды қауіпті құпия операцияларға жіберуге рұқсат етілмейді. Бұрын ол мұндай тапсырмаларды «Жанкештілер жасағы» және Бітімгер тобы арқылы орындаған еді.
Алайда, бұл шектеулерге қарамастан, ол «Монстрлар-коммандос» (немесе «M жасағы») деп аталатын түрлі құбыжықтардан құралған құпия арнайы жасақты құрады.