Монғолдық суықторғай

Монғодық суықторғай (Bucanetes mongolicus) - шағын денелі (19-26 г) қунақтардың бірі. Қанатында ақ қызғылт "көзтартары" бар, көріксіз күңгірт, қоңырқай реңді аталықтың төсі, екі қапталы және құйрықүсті қызғылтым реңкті болып келеді. Аналығында қызғылт түс болмайды. Шөл қунақтан айырмашылығы - тұмсығы қашанда ақшыл болуы. Құрлық құсы, бұталарға қонақтамайды. Екпіндеп ұшады. Дауысы - сазды "пиу", әуені қатты емес, көңілге жағымда және әдетте шақыру үнін қосады.

Мекендейтін жерлер

Алдыңғы Азиядан Орталық Азияға дейін шөл тауларында мекендейді. Ол- Қазақстанда оңтүстік және шығыстың (Маңыараққа дейінгі) аласа шөлдік тауларда, Солтүстік Балқаш маңында, қазақ ұсақшоқыларының кейбір жерлерінде үйреншікті құс. Олар қыста оңтүстікке қарай ұшып кетеді, алайда кейбір бөліктері Қазақстанның оңтүстігінде қыста да кездеседі. Ұяларын тас қуыстарына орналастырады, жартастардың жарықтарына және саздан салынған молалар үстіндегі құрылыстық күмбездің қуыстарына жиі-жиі орын тебеді. Салындыда 4-6 (8-ге дейін де болып қалады) сирек секпілді бозғылт жұмыртқалар болады. Жұмыртқаларды басу және балапандарды қоректендірудің қыр-сыры айқындармаған. Қазақстанда наурыздан қазанға дейін кездеседі.

Дереккөздер

1.