Мореналық Рельеф

Мореналық Рельеф – мұздықтар әсерінен пайда болған аккумуляциялық рельеф. Жазықтағы мореналық рельеф бірнеше түрге ажыратылады: төбелі ойыстық рельеф (аралығында көлшіктер жиі кездесетін, ретсіз топталған белестер),мореналы жазық (негізінен моренадан түзілген тегістік), шеткі мореналық қырқалар рельефі (аралығы аңғар тәріздес ойыспен, кіші-гірім өзен-көлмен бөлінген, қатар жатқан және көбіне доғаша иілген қырқала тобы), друмлиндік рельеф (бұрынғы мұздықтардың жылжу бағытына қарай созылған, онша биік емес сопақша төбелер шоғыры). Таулы өлкеге жағалық морена, шеткі морена қырқасы, сондай-ақ ретсіз топталған төбелі-ойысты мореналық рельеф тән.

Дереккөздер

М.Қ.Қаратаев, Қазақ совет энцеклопедиясы. 4 том. 672 бет. Мұрағатталған 20 ақпанның 2017 жылы.