Музыка дыбыстары (фильм)
| Музыка дыбыстары | |
| ағылш. The Sound of Music | |
 Фильм постері | |
| Жанры | |
|---|---|
| Режиссёрі | |
| Продюсері | |
| Сценарийдің авторы | |
| Басты рөлдерде |
Джули Эндрюс |
| Операторы | |
| Сазгері |
Ричард Роджерс |
| Кинокомпания |
Argyle Enterprises |
| Дистрибьютор | |
| Ұзақтығы |
174 мин. |
| Бюджеті |
8,2 млн $ |
| Кассалық түсімі |
287,8 млн $ |
| Мемлекет | |
| Тілі | |
| Шыққан жылы | |
| IMDb | |
«Музыка дыбыстары» (ағылш. The Sound of Music) — 1965 жылы жарық көрген америкалық музыкалық драма. Фильмнің продюсері әрі режиссері — Роберт Уайз, сценарийін жазған — Эрнест Леман. Туынды Ричард Роджерс пен Оскар Хаммерстайн II-нің 1959 жылғы аттас мюзиклінің негізінде түсірілген. Ал мюзиклдің өзі Мария фон Трапптың 1949 жылы жарияланған «Трапп отбасылық әншілерінің хикаясы» атты мемуарына сүйеніп жазылған.
Басты рөлдерде Джули Эндрюс пен Кристофер Пламмер ойнайды. Фильм оқиғасы Аустрияның Зальцбург қаласында өрбиді. Мұнда жеті баланың тәрбиешісі болған Мария фон Трапптың бастан кешкендері, капитан Георг фон Трапппен отау құруы және 1938 жылғы Аншлюс кезінде отбасының елден қалай қашқаны туралы шынайы оқиға көркем тілмен баяндалады.[1]
Түсірілім жұмыстары 1964 жылдың наурызы мен қыркүйегі аралығында Лос-Анджелес пен Зальцбургте өтті. 1965 жылы 2 наурызда «20th Century Fox» компаниясы фильмді АҚШ-та алғаш рет шектеулі көрсетілімге шығарды. Бастапқыда киносыншылар туындыға қатысты әртүрлі пікір білдіргенімен, фильм коммерциялық тұрғыдан табысқа жетті: небәрі төрт аптадан соң прокат көшбасшысына айналып, 1965 жылдың ең табысты фильмі ретінде тарихқа енді.
1966 жылдың қарашасына қарай «Музыка дыбыстары» тіпті «Жел өтіндегі тағдырлар» фильмін басып озып, кино тарихындағы ең жоғары табыс әкелген фильмге айналды және бұл рекордты бес жыл бойы ұстап тұрды. Туынды дүниежүзілік деңгейде танылып, 29 елде кассалық рекордтарды жаңартты. Фильмнің алғашқы прокаты төрт жарым жылға созылды, ал кейінгі екі рет қайта көрсетілімі де сәтті өтті. Жалпы алғанда, әлем бойынша 283 миллион билет сатылып, фильмнің жиынтық түсімі 287 миллион долларды құрады. Бұл көрсеткіш картинаға инфляцияны есепке алғандағы ең табысты фильмдер ондығында 6-орынға (2732 млн доллар) тұрақтауға мүмкіндік берді.
«Музыка дыбыстары» бес бірдей «Оскар» сыйлығын иеленді, оның ішінде «Үздік фильм» және «Үздік режиссер» номинациялары бар.[2] Сондай-ақ, туынды «Үздік фильм» және «Үздік актриса» номинацияларында «Алтын глобус» сыйлығын, Америка режиссерлер гильдиясының жоғары жетістіктері үшін берілетін жүлдесін және Америка сценарийшілер гильдиясының «Үздік америкалық мюзикл» сыйлығын жеңіп алды.
Фильм экранға шыққан сәттен бастап барлық заманның ең ұлы кинотуындыларының бірі ретінде танылды.[3][4][5] 1998 жылы Америка кино институты (AFI) бұл туындыны барлық заманның үздік 100 америкалық фильмінің тізімінде 55-орынға, ал үздік мюзиклдер арасында 4-орынға қойды. 2001 жылы «мәдени, тарихи немесе эстетикалық маңызы бар» туынды ретінде Конгресс кітапханасының АҚШ фильмдерінің ұлттық тізіліміне енгізілді.
Сюжеті
[өңдеу | дереккөзін өңдеу]Мария — еркін мінезді жас аустриялық бойжеткен. Ол Зальцбургтегі Ноннберг аббаттығында постулант ретінде қызмет етіп, болашақта монах әйел болуды ниет етеді. Оның тауға шығып ән айтқанды жақсы көретіні және монастырдың қатаң тәртібіне бағына бермейтіні монастырь басшысын алаңдатады. Сондықтан Аббатиса ана оған өзін өмірде сынап көруді ұсынып, отставкадағы теңіз офицері, жесір қалған капитан Георг фон Трапптың жеті баласына тәрбиеші етіп жібереді.
Капитан әйелі қайтыс болғаннан кейін үйінде әскери тәртіп орнатып, балаларына қатал қарап, тіпті олармен ысқырық арқылы тілдесетін болады. Алайда Мария өзінің мейірімімен, музыкаға деген махаббатымен балалардың жүрегін тез жаулап алады. Ол балаларға ән айтуды үйретіп, олардың өміріне қуаныш сыйлайды. Уақыт өте келе, басында Марияның әдістеріне қарсы болған Капитан да оның ішкі жан дүниесінің сұлулығына тәнті болып, оған ғашық екенін түсінеді. Капитан өзінің бұрынғы қалыңдығы баронесса Эльза фон Шредермен қарым-қатынасын үзіп, Марияға үйленеді.
Алайда бұл бақытты сәттер 1938 жылғы Аншлюспен (Германияның Австрияны басып алуы) тұспа-тұс келеді. Нацистер Капитанды үшінші рейхтің әскери флотында қызмет етуге мәжбүрлейді. Отансүйгіш Капитан нацистік режимге қызмет етуден бас тартып, отбасымен бірге елден қашудың амалын іздейді. Фильмнің соңында фон Трапптар отбасы музыкалық фестивальде өнер көрсетіп, соңғы сәтте нацистердің қолынан сытылып шығып, Альпі таулары арқылы бейтарап Швейцарияға қарай бет алады.
Рөлдерде
[өңдеу | дереккөзін өңдеу]- Джули Эндрюс — Мария
- Кристофер Пламмер — Капитан фон Трапп
- Элинор Паркер — Баронесса Эльза фон Шредер
- Ричард Хэйдн — Макс Детвайлер
- Пегги Вуд — Монастырь басшысы
- Аббатисаның әнін Марджери Маккей орындаған[7]
- Шармиан Карр — Лизль фон Трапп
- Николас Хаммонд — Фридрих фон Трапп
- Хезер Мензис — Луиза фон Трапп
- Дуэйн Чейз — Курт фон Трапп
- Анджела Картрайт — Бригитта фон Трапп
- Дебби Тернер — Марта фон Трапп
- Ким Карат — Гретль фон Трапп
- Анна Ли — Маргаретта монах әйел
- Порша Нельсон — Берта монах әйел
- Бен Райт — Целлер мырза
- Дэниэл Трухитт — Рольф
- Норма Варден — фрау Шмидт, үй қызметшісі
- Гил Стюарт — Франц, үй басқарушысы
- Марни Никсон — София монах әйел
- Эвадне Бейкер — Бернис монах әйел
- Дорис Ллойд — Баронесса Эбберфельд
Дереккөздер
[өңдеу | дереккөзін өңдеу]- ↑ Yoffe, Emily. Hollywood's Widower Fantasy (August 8, 1993).
- ↑ Bernstein, Adam. 'Sound of Music,' 'West Side Story' Director Robert Wise Dies (September 16, 2005).
- ↑ The 100 Greatest Movies of All Time (December 21, 2022).
- ↑ 100 Greatest Movies of All Time.
- ↑ The 100 Greatest Movie Musicals of All Time (November 18, 2024).
- ↑ The Unsung Overdub Star In 'Sound Of Music'. NPR. (November 24, 2012). Тексерілді, 10 мамыр 2019.
- ↑ Everybody's Talkin': The Top Films of 1965-1969 — Milwaukee, WI: Hal Leonard Corporation. — P. 6.
Сыртқы сілтемелер
[өңдеу | дереккөзін өңдеу]- Музыка дыбыстары (фильм) (ағыл.) Internet Movie Database сайтында
| ||||||||||
