Муслим ибн әл-Хәджадж

Уикипедия — ашық энциклопедиясынан алынған мәлімет
(Муслим ибн әл-Хәджәдж бетінен бағытталды)
Навигацияға өту Іздеуге өту

Муслим ибн әл-Хәджадж, көбірек қолданылатыны - Муслим (араб.: أبو الحسين مسلم بن الحجاج القشيري النيشابوري‎), (202 немесе Һиджра бойынша 206—261, Григориан күнтізбесі бойынша 821875) — біртуар Ислам қайраткері, ең танымал хадистер жиынтығының авторы — Сахих Муслим. Толық аты — Муслим ибн әл-Хәджадж ибн Муслим әл-Қураши ән-Найсабури[1].

Өмірбаяны[өңдеу | қайнарын өңдеу]

Муслим ибн әл-Хәджадж Нишапур атаулы парсы қаласында туған. Алғашқы білімін жергілікті дін ғалымдарынан алған. Муслимнің әкесі Хәджадж - хадистер жинаушы болған. Оның арқасында, Муслим жас кезінен хадис үйрене бастаған. Кейіннен, Мұхаммед пайғамбардың ﷺ һадистерін жинау үшін, ол Таяу Шығыс елдеріне аттанады — Ирак (Бағдатқа кіреді), Мысыр, Хиджаз. Муслимнің мұғалімдерінің арасында, әл-Бұхари, Абдуллаһ ибн Масләмә әл-Канаби, Хармала ибн Йахйа, Ахмад ибн Юнус секілді керемет ғалымдар болған. Ол да мухаддис болған. Одан хадис үйренгендер - Әбу Ауана Яқуб ибн Исхақ әл-Асфараини, Әт-Тирмизи, Ахмад ибн Ханбал.

Муслим еңбектері[өңдеу | қайнарын өңдеу]

  1. «әл-Муснад ас-Сахих»
  2. «ат-Табақат»
  3. «аль-Асма уәл-Куна»
  4. «ат-Тамйиз»
  5. «әл-Мунфаридат әл-Уихдан»
  6. «Суаләт әл-имам Ахмад»
  7. «Аухам әл-мухаддисин»
  8. «Аулад әс-сахаба»
  9. «Афрад әш-шамиин»
  10. «аль-Ақран»
  11. «Машаих Малик»
  12. «Машаих Шуғба».
  13. «Машаих әс-Сәури»
  14. «аль-Мухадрамин»
  15. «аль-Интифа би унуб әс-сиба»

Қызықты мәліметтер[өңдеу | қайнарын өңдеу]

  • Муслимнің оқушыларына көптеген хадис үйретуіне орай оның бір оқушысы күмәні жоқ (сахих) хадистерді жеке бір кітапқа топтастырып жазғанын сұраған екен, сол себептен Муслим «аль-Муснаду-с-сахих» атты кітабына сахих хадистерді жинап топтап жинайды.[2].

Дереккөздер[өңдеу | қайнарын өңдеу]

  1. Муслим ибн Хаджадж «Ислам энциклопедиялық сөздігі» А. Али-заде, Ансар, 2007 ж.
  2. Хатиб аль-Багдади в книге «Тариху-ль-Багдад» (4-ый том 186-ая страница) отметил, что этим учеником являлся Ахмад ибн Саляма ан-Нисабури.

Сыртқы сілтемелер[өңдеу | қайнарын өңдеу]

Ортаққорда бұған қатысты медиа файлдар бар: Category:Muslim ibn al-Hajjaj