Мыңсайрам

Мыңсайрам (Luscinia svecica) — торғай отрядының бір түріне жатады. Дене тұрқы 15 см, қанатының кеңінен жайғандағы ұзындығы 65-79 мм, салмағы 20 г, арқасы қара қоңыр, жемсауы көк, ақ жолақты. Мыңсайрам Еуропа, Азия, Африкада кеңінен таралган. Жетісу (Жоңғар), Іле Алатауларында да кездеседі. Жыл құсы, күз айларында Солтүстік Африка жөне Оңтүстік Азияға қайтады. ¥ясын жерге жасап, 4-7 жұмыртқа салып, 13-14 күнде балапан басып шығарады. Мыңсайрам торғайы өсімдік жемісімен, жәндіктермен жөне олардың дернөсілдерімен қоректене алады. Табиғатта құйқылжып көңіліңді қандыратын жақсы сайрайтын құс.