Мүйіз құйрықты жәндіктер

Уикипедия — ашық энциклопедиясынан алынған мәлімет
Jump to navigation Jump to search

Мүйіз құйрықты жәндіктер (Siricoidee) – жарғақ қанатты жәндіктер отрядының төрт тұқымдасы. Кәдімгі мүйіз құйрықты жәндіктер–ксифидрийлер, оруссидалар, синтексидалар. 200-ден астам түрі бар. Кәдімгі мүйіз құйрықты жәндіктердің ұз. 50 мм-ге дейін жетеді. Көптеген түрінің личинкалары қылқан жапырақты ағаш сүрегінде дамиды. Аса зиянды түрлері – үлкен мүйіз құйрықты жәндіктер, сары мүйіз құйрықты жәндіктер, көк мүйіз құйрықты ксифидрийлердің ұз. 18 мм-ге дейін, личинкалары жалпақ жапырақты ағаш сүрегінде дамиды. Оруссидалар негізінде тропикте таралған, КСРО-да өте аз болған. Синтексидтер (бір түр) Калифорнияда тіршілік етеді. Мүйіз құйрықты жәндіктердің личинкалары ақ немесе сарғылт түсті, өсіп тұрған ағаш сүрегінде кем дегеде 2 жыл, ал кесілген ағашта бірнеше жыл тіршілік етіп, орман шаруашылығына зиян келтіреді.[1]

  1. Қазақ совет энциклопедиясы 1976 жыл. / М.Қ.Қаратаев