Мұзтау жотасы
| Мұзтау жотасы | |
 Мұзтау жотасының шыңы. | |
| Сипаттамасы | |
|---|---|
| Тау жүйесі | |
| Пайда болған кезеңі |
Палеозой дəуірі |
| Биіктігі |
4370 м |
| Орналасуы | |
|
44°36′01″ с. е. 80°19′22″ ш. б. / 44.60028° с. е. 80.32278° ш. б. (G) (O) (Я)Координаттар: 44°36′01″ с. е. 80°19′22″ ш. б. / 44.60028° с. е. 80.32278° ш. б. (G) (O) (Я) | |
| Елдер | |
|
| |
Мұзтау жотасы – Жетісу (Жоңғар) Алатауының оңтүстігіндегі жоталар тобының ең биік сілемі.
Жер бедері
[өңдеу | қайнарын өңдеу]Абсолюттiк биіктігі 4370 м. Батысында Тышқантаумен, оңтүстігінде Шақпақтас тауымен, шығысында Қытаймен мемлекеттік шекара өтетін Желдіарық өзенімен шектелген. 3700 м-ден жоғарғы бөлігін мұз басқан, одан бірнеше өзендер басталады. Тау бөктерлері тік, мұз бен су эрозиясына күшті ұшыраған. Палеозой дəуірінің герциндік тау жасалу кезеңінде пайда болған.
Климаты, өсімідік пен жануарлар дүниесі
[өңдеу | қайнарын өңдеу]Климаты биік таулық, орташа температурасы қаңтарда -12-16°С, шілдеде 4-8°С, жылдық жауын-шашын мөлшері 1000 мм шамасында. Топырақ жабындысы күлгін түсті жəне қара қоңыр. Бұталар мен қайыңдар аралас таудың альпілік шалғыны өседі. Шығыс бөктерінде, əсіресе, шатқалдардың солтүстік беткейінде тау орманы өседі. Жан-жануарлардан күзен, арқар, тау-теке; құстардан ұлар, т.б. кездеседі. Маңайындағы альпілік жəне субальпілік шалғындар жайылым ретінде пайдаланылады.[1]
Дереккөздер
[өңдеу | қайнарын өңдеу]- ↑ Қ 18 ҚАЗАҚСТАН ТАБИҒАТЫ:Энциклопедия /Бас ред. Б.Ө. Жақып. – Алматы: «Қазақэнциклопедиясы» ЖШС, 2012.Т.4. – 304 бет. ISBN 9965-893-84-5