Мұнайгаздылықты көлемдік-статикалық тұрғыдан болжау әдісі

Мұнайгаздылықты көлемдік-статикалық тұрғыдан болжау әдісі. Көмірсутектер жатынының мүмкін деген бастапқы ресурстарын жақсы барланған мұнайлы алаптағы шөгінді қабаттар көлемі мен соларда кіріккен көмірсутектер көлемінің бастапқы қорларымен өзара байланысы негізінде статикалық жолмен анықталған мәліметтер көмегімен есептеу әдісі. Қарапайым түрде Q = KV теңдеуімен анықталады, мұндағы: К — ресурстардың меншікті тығыздығын көрсететін коэффицент, ол т/м³ бірлігімен өлшенеді; V — зерттелген өңірдегі таужыныстар көлемі. Әдіс әр түрлі тектоникалық типтерге жататын алаптар үшін пайдаланылады, сондықтан К коэффиценті, алаптың қандай типке жататындығына және төлнұсқа ретінде алынған мөлшердің көлеміне байланысты, кең аралықта өзгеріп отырады. Есептеу үшін шөгінді тыс көлемін түгелімен пайдаланбай, оның тек қана көмірсутектер қалыптастыратын мөлшерін алғанда ғана (бұл мөлшер әдетте платформалық әдістың қалыңдығы 1,5-2 км-мен өлшенетін беткі қабатын ғана кұрайды) әдіс жақсы нәтижелер береді. Әдістің дәлдігі онша жоғары емес, нәтиженің жоғарғы және төменгі шектері шындыққа сәйкес мөлшерден 3-4 есе айырма беруі ықтимал. Әдістің ұтымды жақтары — есептеулердің қарапайымдылығы, керекті ақпараттардың аздығы (платформалық тыстың изопахиталар картасы ғана керек), субъектілік түрде таңдалып алынатын көрсеткіштердің жоқтығы. Көлемдік статикалық пішіндердің өкілеттілігі жер шарындағы барланған бүкіл мұнайлы алаптар жайлы ақпараттық базаның кең көлемде қамтылуымен анықталады.