Мұнай және газ ұңғымаларын сынамалау жүйесі

Мұнай және газ ұңғымаларын сынамалау жүйесі - Іздеу және барлау ұңғымаларын бұрғылау барысында міндетті түрде жүзеге асырылуы тиіс жұмыстар жиынтығы. Бұл сынамалау жүйесінің екі түрі белгілі, олар: 1) бұрғылау ұңғымасы тесіп өткен әрбір қойнауқат сол бойда-ақсынамаланып отырады, сөйтіп бұл шара жоғарынан төмен қарай кезек-кезек жүзеге асырылатын болады; бұл жағдайда сынамалау жұмыстары шегенделмеген ұңғыма оқпанында қойнауқаттарды сынау аспабы көмегімен жүзеге асады; 2) төменнен жоғары қарай сынамалау; бұл жағдайда ұңғыма оқпаны жобалық тереңдікке шейін түгел бұрғыланады және шегенделеді (керіштеледі); сынамалау жұмыстары ең төменгі мұнайлы (газды) қойнауқаттан басталып, жоғары қарай кезек-кезек жылжытылып отырады; бұл жұмыстар зерттелмек қойнауқат тұсындағы керіш қабатын әдейілеп тесу және осы тесік арқылы қойнауқаттарды сынамалау аспабы көмегімен сынамалау шараларын біріктіреді. Іс-тәжрибеде сынамалаудың екінші жүйесі қолайлылау деп есептеледі.