Мұрат Сатыбалдыұлы Жүнісов

Жүнісов Мұрат Сатыбалдыұлы (24.7.1966 жылы туған, Қарағанды облысы, Балқаш қаласы) – шахматшы, халықаралық дәрежедегі спорт шебері (1996), зағиптар арасындағы әлем чемпионы (Испания, Торено, 1995).

Арғын тайпасының Қаракесек руының Шекшек бөлімінен шыққан. Алғашқы жаттықтырушысы Е.Әлімжанов. Қазір гроссмейстер Б.Асановтың жетекшілігімен жаттығады. Қарағанды облысының екі дүркін чемпионы (1990, 1991), республикалық студенттер ойындарының чемпионы (Алматы, 1989), Қазақстан зағиптар қоғамының төрт дүркін чемпионы (Алматы, 1990, 1992, 1994, 1997), халықаралық турнирлердің жүлдегері (Чехия, Брно, 1994; Мәскеу, 1994; Петропавл, 1994; Испания, Бенавенте, 1995; АҚШ, Нью-Йорк, 1995). Шахматты шапшаң ойнаудан Астана қаласының чемпионы (2000), Алматы қаласының чемпионы (1997). Қазір Астана қаласындағы шахмат клубында жаттықтырушылық қызмет атқарады.