Мұхамеджан Майбасарұлы Өскенбаев

Мұхамеджан Майбасарулы Өскенбаев (1854-1921) -атақты әнші. Абай мен Шәкәрім әндерін орындаушы, күйші, ақын, сал-сері. Мұхамеджан Абайдың немере інісі. Құнанбайдың тоқал шешесінен туған інісінің баласы. Мұхамеджанның Қатипа деген әйелінен Төлеутай, Нәсибала туған. Мұхамеджан жастайынан ән-жырға құмар болып өседі. Әсіресе үзеңгілес құрбысы Әмір Құдайбердіұлымен бірге салдық, серілік құрады. Әмірмен Мұхамеджан күн озған сайын ойын-сауыққа беріліп кетіп, кейде ел ішін бүлдіруге дейін апарып соққан. Бұған ренжіген Құнанбай оларға қатты ескерту жасап, тыйым салған. Осыған ренжіген әнші досы Әмір қайтыс болғаннан соң, '''Найман''' ішінде Сыбанжаққа, Қызылмолаға көшіп кетеді. Мұхамеджан Қызыл- молада жүріп, өзінің іштегі өкпе-ренішін білдіріп, өлеңмен сәлем жолдаған. Сәлемін естіген Абай кісі жіберіп, Мұхамеджан елге қайта кешіріп алғызады. Сол көзден бастап ол Абайдың қасында болып, ақынның өнеге-тәрбиесін көп кереді. Ол «Қазақ әндерінің антологиясының» бірінші жинағына енген - «Бес қарагер», «Қайран жастық», сондай-ақ, «Көлқайнар», «Сары бел» әндерінің авторы. Мұхамеджан Абайдың «Ескендір», Ақылбайдың «3ұлыс», Мағауияның «Медғат-Қасым» дастандарын да жырлап өткен. Мұхамеджанның сүйегі Ақшоқыдағы Құнанбай қажының әулеттік қорымына жерленген.