Мұхтар Бақтыгереев

Мұхтар Бақтыгереев
	Мұхтар Бақтыгереев
Жалпы мағлұмат
Туған күні	15 маусым 1933
Туған жері	қазіргі Атырау, РКФСР, КСРО
Қайтыс болған күні	11 маусым 1999 (65 жас)
Қайтыс болған жері	Алматы, Қазақ КСР, КСРО
Азаматтығы	Қазақстан; КСРО (1933-1991)
Мамандығы	актер
Белсенді жылдары	1955-1995

Мұхтар Бақтыгереев (15 маусым, 1933, Атырау — 11 маусым, 1999, Алматы) — актер, Қазақстанның халық артисі (1991).

Өмірбаяны

Байұлы тайпасының Есентемір руынан шыққан.^[1]^[2]^[3]

Театрға деген құштарлық сезімі мектепте жүрген кезінен оянып, 15 жасында Атырау облысаралық драма театрына орналасады. Сонда жүріп Баймағамбет (Ғ. Мұстафиннің “Миллионерінде”), Қодар (Ғ. Мүсіреповтің “Қозы Көрпеш — Баян сұлуында”), Петруччо (У. Шекспирдің “Асауға–тұсауында”), Аңдамас (М. Ақынжанов пен Қ. Қуанышбаевтың “Майрасында”) рөлдерімен назарға ілінеді.
Осы еңбектерінен актерге қажет еңбекқорлық, зеректік, әсершілдік қасиеттерді байқаған театр басшылары дарынды баланы Алматыға оқуға жібереді.
1956 жылы Алматы театр училищесін бітіреді.
Сол жылдан бастап Қазақ балалар мен жасөспірімдер театрында жұмыс істейді.

Мұнда Ақын (Ж. Жұмахановтың “Қарагөз қарындасымында”), Асанбай (Ш. Хұсайыновтың “Біздің Ғаниында”), Қарасай (Б.Майлиннің “Шұғасында”), Құдияр (И. Байзақовтың “Ақбөпесінде”), Нұри (Н. Хикметтің “Әпендесінде”), Құнанбай (“Жас Абай” инсценировкасында), Осман (Р.Ғамзатовтың “Тау қызында”), Дәруіш (М. Кәрімнің “Ай тұтылған түнінде”), Клавдий (У. Шекспирдің “Гамлетінде”), Науан (Ғ.Мүсіреповтың “Ақан сері — Ақтоқтысында”), Ілияс (Ш. Айтматовтың “Арманым — Әселімінде”), Доғал (М. Әуезовтің “Алуасында” Қазақстанның Мемлекеттік сыйлығы, 1984), Мамаев (А.Островскийдің “Адам аласы ішіндесінде”), т.б. рөлдерді ойнайды. Бақтыгереев сомдаған Құнанбай, Науан, Қарасай образдары терең психология астарымен, сараң қимыл, сарабдал мінезімен есте қалады.

Бақтыгереев 60-тан астам киноға түсті, қазақ кинодубляжына белсене қатысты.^[4]^[5]

Дереккөздер

↑ Кітап - Т.Біләлұлы, Ы.Сүйінұлы. Есентемір Байұлы.
↑ Кітап - Т.Біләлұлы, Ы.Сүйінұлы. Есентемір Байұлы.
↑ МҰХТАР БАҚТЫГЕРЕЕВ::::Т.Білалулы. Ы.Суйінулы. Есентемір Байулы::Т.Біләлұлы, Ы.Сүйінұлы. Есентемір Байұлы - elarna.net :: Kitaphana.
↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, II том;
↑ Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8

[1] Кітап - Т.Біләлұлы, Ы.Сүйінұлы. Есентемір Байұлы.

[2] Кітап - Т.Біләлұлы, Ы.Сүйінұлы. Есентемір Байұлы.

[3] МҰХТАР БАҚТЫГЕРЕЕВ::::Т.Білалулы. Ы.Суйінулы. Есентемір Байулы::Т.Біләлұлы, Ы.Сүйінұлы. Есентемір Байұлы - elarna.net :: Kitaphana.

[4] «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, II том;

[5] Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8

[1]

[2]

[3]

[4]

[5]