Мұхтар Бәкірұлы Тінікеев

Мұхтар Бәкірұлы Тінікеев

1963 жылы 27 қыркүйекте Қарағанды қаласында туған. Қазақ. Арғын тайпасының Қуандық руының Тоқа бөлімінен шыққан.

Әкесі -Тінікеев Бәкір (1912-1973), шахтер болған. Анасы - Тінікеева Мәриям (1924 жылы туған), зейнеткер, батыр-ана. Қарағанды политехникалық институтының тау-кен факультетін тау-кен құрылысшы-инженері мамандығы бойынша; Е.А. Бөкетов атындағы Қарағанды мемлекеттік университетінің заң факультетін заңгер мамандығы бойынша бітірген.

КОКП мүшесі (1990 жылға дейін). ЛКЖО ОК мүшесі (1987-1991), ЛКЖО XX, XXI съездеріне делегат. «Қазақстанның құқықтық дамуы» қоғамдық қозғалысының мүшесі (1994 жылдан). Азаматтық партия мүшесі. «Нұр Отан» ХДП мүшесі. 1980 жылдан - №22 «Қарағандыкөмір» ПО шахтасының электрик-слесарі. 1981 жылдан - Кеңес Әскерінің қатарында қызметте, взвод командирінің орынбасары. 1983 жылдан - «Қарағандыкөмір» ПО «Кировская» шахтасының №4 тазалау забойында тау-кен жұмысшысы. 1989 жылдан - облыстық ереуіл комитетінде шахта уәкілі. 1990-1993 жылдары - Қарағанды облысы №103 Күзембаев сайлау округі бойынша ҚазКСР халық депутаты, ҚР Жоғары Кеңесі Жастар ісі жөніндегі комитеттің мүшесі. 1994-1995 жылдары - ҚР Жоғары Кеңесінің депутаты, Қарағанды облысы №63 Күзембаев сайлау округі бойынша (56,02% дауыс жинап, жалғыз қарсыласынан алға шықты). Өзін-өзі ұсынған. Ұлттық қауіпсіздік және қорғаныс комитетінің мүшесі. «Қазақстанның құқықтық дамуы» фракциясының мүшесі. 2002 жылдан - ҚР Парламенті Мәжілісі 2-ші шақырылымының депутаты. 2004 жылдан - ҚР Парламенті Мәжілісі 3-ші шақырылымының депутаты, Заңнама және сот-құқықгық реформа комитетінің мүшесі. 2007 жылдан бері - ҚР Парламенті Мәжілісі 4-ші шақырылымының депутаты, Заңнама және сот-құқықтық реформа комитетінің мүшесі. ТМД Парламентаралық ассамблеясының мүшесі (Санкт-Петербург қаласы, 1992 жылдан), ЕурАзЭҚ Парламентаралық ассамблеясының құқықтық мәселелері жөніндегі Тұрақты комиссиясының уәкілі (Санкт-Петербург қаласы, 2006 жылдан). «Дойдо Джуку Кудо» шығыс жекпе-жегі республикалық федерациясының президенті. ҚР соғыс өнері республикалық одағының тең төрағасы.

«Құрмет» (2005), «ТМД елдерінің достастығы» ордендерімен; «Қазақстан Республикасының тәуелсіздігіне 10 жыл» (2001), «Қазақстан Конституциясына 10 жыл» (2005), «Қазақстан Парламентіне 10 жыл» (2006), «Астананың 10 жылдығы» (2008) медальдарымен, 2-ші, 1-ші дәрежелі «Шахтер даңқы» белгісімен марапатталған.

Әскери атағы - майор.

Саяси қайраткер ретіндегі идеалы - Н.Ә. Назарбаев.

Қазақстанның болашағы туралы болжамы - «Он жылдан соң Қазақстан көптеген көрсеткіштері арқылы әлемнің дамыған 50 мемлекетінің қатарына кіреді».

Хоббиі - фото ісі.

Сүйіп оқитын әдебиеті - классикалық әдебиет және поэзия. Үйленген. 2 баласы бар.

Өмірбаяны

Тоқа- Арғын руынан. Ол кенші Бәкір мен Мәриям Тінікеевтердің отбасында туған. Әкесі Қарағандыда шахтер болған. Тінікеевтер отбасында жеті бала болған.

Білімі мен жұмыс тәжірибесі

1980 жылы Қарағандыдағы №30 орта мектепті бітіріп, «Қарағандыуголь» өндірістік бірлестігінің №22 шахтасында электр монтеры болып жұмыс істейді. Қарағанды мемлекеттік техникалық университетінің тау-кен инженері және құрылыс мамандығы бойынша және Е.А.Бөкетов атындағы Қарағанды мемлекеттік университетін заңгер мамандығын оқыған. 1985 жылы Мәскеуде XII Бүкіләлемдік жастар мен студенттер фестиваліне қатысқан. 1981 жылдан 1983 жылға дейін Польшадағы Солтүстік күштер тобында қызмет етеді. Әскерден кейін «Қарағандыуголь» өндірістік бірлестігінің «Кировская» шахтасының 4-ші учаскесінің көмір өндірушісі болған. 2017 жылы 12 желтоқсанда Қазақстан кәсіподақтар федерациясының төраға орынбасары болып сайланды.

Саяси карьерасы

1989 жылы Тінікеев облыстық ереуіл комитетінде шахта өкілі болды. 1990-1993 жылы Қазақ КСР Жоғарғы Кеңесінің 12-шақырылымының халық депутаты, Қорғаныс және қауіпсіздік комитетінің мүшесі. 1994-1995 жылдары Жоғарғы Кеңестің 13-ші шақырылымының депутаты, Ұлттық қауіпсіздік кіші комитетінің төрағасы болды. 2002 жылдан Қазақстан Республикасы Парламенті Мәжілісінің (II, III, IV, V және VI шақырылымдары) депутаты, Заңнама және сот-құқықтық реформа комитетінің мүшесі. 1991 және 1993 жылдары Таулы Қарабақтағы ПАА бітімгершілік миссиясын, 1994 жылы грузин-абхаз жанжалы және 1995 жылы тәжік-ауған секторына қатысты. 1992 жылдан Тінікеев ТМД ПАА Ассамблеясының мүшесі, 2005 жылдан бастап ЕурАзЭҚ ПАА Құқықтық мәселелер жөніндегі тұрақты комиссиясының төрағасы. «Тынбайтын депутат» аталымы бойынша «Жылдың халық сүйіктісі» сыйлығының иегері (2012).Запастағы офицер.