Мұқан Жұмағалиұлы Атабаев

Атабаев Мұқан Жұмағалиұлы (20.4.1940 ж.т., Түркменстан, Мары облысы, Тахта- Базар а.) механик, инженер. Қазақ химия-технология институтын бітірген (1964). 1964 – 1968 жылдары Ақтөбе химкомбинатында механик, инженер, конструкторлық бөлім бастығының орынбасары, 1968 – 1979 ж. Тараз қаласындағы «Химпром» өндірістік бірлестігінде цех бастығының, жобалау-конструкциялау бөлім бастығының, бас механиктің орынбасары, фосфор цехының бастығы, техника бөлімінің бастығы, бас директордың орынбасары, жөндеу зауытының директоры, 1979 – 1991 ж. «Химпром» өндірістік бірлестігінң бас директоры, 1991 – 1995 ж. Қазақстан фосфор өнеркәсібі кәсіпорындары ассоциасиясының президенті, «Қаратау» акционерлік холдинг компаниясының президенті, 1995 1996 ж. «ЮТЕК-ЛУКойл» басқару компаниясының президенті, 1996 – 1997 ж. “IBE Trade Corporation” басқару компаниясының фосфор өндірісі бойынша бас кеңесші, 1998 жылдан ҚР Энергетика, индустрия және сауда министрлігінің фосфор саласы бойынша өкілетті өкілі. Қазақ КСР Жоғары Кеңесінің депутаты болып сайланған. Екі рет Еңбек Қызыл Ту орденімен, медальдармен, Құрмет Белгілерімен марапатталған.