Мұқыр (Атырау облысы)

Ауыл
Мұқыр
Әкімшілігі
Ел	ҚазақстанҚазақстан
Статусы	Ауылдық округ орталығы
Облысы	Атырау
Ауданы	Қызылқоға
Ауылдық округі	Мұқыр
Тарихы мен географиясы
Координаттары	48°02′46″ с. е. 54°29′30″ ш. б.48.04611° с. е. 54.49167° ш. б. / 48.04611; 54.49167
Құрылған уақыты	1937
Уақыт белдеуі	UTC+5:00
Тұрғындары
Тұрғыны	3423 адам (2009)
Сандық идентификаторлары
Телефон коды	+7 71238
Пошта индексі	060506
Автомобиль коды	06
Мұқыр Мұқыр
Мұқыр шекарасы

 Басқа мағыналар үшін Мұқыр деген бетті қараңыз.

Мұқыр — Атырау облысы Қызылқоға ауданындағы ауыл, Мұқыр ауылдық округі орталығы.

Географиялық орны

Аудан орталығы — Миялы ауылынан оңтүстік-шығысқа қарай шамамен 105 км-дей жерде Мұқыр өзенінің жағасына орналасқан.

Халқы

1989 жылы елді мекенде 2659 адам тұрған. 1999 жылы тұрғындар саны 3203 адам (1679 ер адам және 1524 әйел адам) болса, 2009 жылы 3423 адамды (1743 ер адам және 1680 әйел адам) құрады.

Әлеуметтік және мәдени нысандары

• Мұқыр орта мектебі — 1941 жылы Таңдай орталау мектебі Мұқыр ауылына көшіп келеді. Жаңа мектеп Мұқыр орталау мектебі деген атпен сол жылы өз жұмысын бастады. Алғашқыда мектеп теміржолшылардың шпалдан салынған 4 бөлмелі үйіне орналасты. Кеңшар әкімшілігі 1950 жылы жеті бөлмелі мектеп үйін салып берді. 1951 жылы мектеп жанынан 20 балаға арналған интернат ашылды. 1956-1957 оқу жылында мектеп орта мектепке айналды. Хрущевтің мектептерді политехникаландыру саясатына байланысты 1950 жылдардың соңында мектебіміз 2 жылдай оқушыларға білімді еңбекпен ұштастырып беретін 11 жылдық мектепке айналды. 1969-1970 оқу жылында мектеп ауданда алғашқы болып типтік жобамен салынған 536 орындық 3 қатарлы сәулетті ғимаратқа көшті.
• №2 орта мектеп — 2021 жылы қыркүйекте ашылған. Үшқабатты мектеп 424 оқушыға шақталған.
• «Алтын кілт» бөбекжай-балабақшасы
• Мұқыр ауылдық клубы

Діни ұйымдар

• «Аманияз ата» мешіті

Елді мекендегі көшелер

• №4 ауыл
• №5 ауыл
• №6 ауыл
• Берқайыр Аманшин көшесі
• Боран Айтмағамбетов көшесі
• Ғабдол Сланов көшесі
• Ғиниятолла Есенғалиұлы көшесі
• Жақсы Кенжебаев көшесі
• Мұқанбетжан Зұлқанов көшесі
• Мұқан Сұлтанов көшесі (№3 ауыл)
• Мырзағали Дәулетбаев көшесі
• Сисенбек Есенғалиев көшесі