Мәлік Наурызғалиұлы Жекеев

Мәлік Наурызғалиұлы Жекеев - 1948 жылы 1 тамызда Ақтөбе облысы Қобда ауданының Қызыл ту ауылында туған. Қазақ. Әкесі -Жекеев Наурызғали Қалиғазыұлы (1920-1995), ¥ОС қатысқан, Ақтөбе облысы Қобда ауданының партиялық, кеңестік және шаруашылық органдарында басшылық қызмет атқарған, республикалық деңгейдегі дербес зейнеткер. Анасы - Жекеева Зейнеп Қалдықожақызы (1928 жылы туған), зейнеткер, батыр-ана.

Хронологиясы

• Батыс Қазақстан аграрлық-техникалық институтының агрономия факультетін (Орал қ. 1971) ғалым-агроном мамандығы бойынша;
• Алматы жоғарғы партия мектебін (1978) саясаттанушы мамандығы бойынша бітірген.
• «Қобда тарих пен тағылым мекені», «Әке туралы сөз», «Жер реформасы халық игілігі үшін», «Батыр баба Жездібай», «Дария – Ғұмыр», «Бөкенбай – батыр ерлігі елге мұра», «Асылын тауып, ажарын ашайық» кітаптарының; жер реформасы, жерді тиімді пайдалану мен қорғау, мемлекеттік шекараны делимитациялау мен демаркациялау жөнінде 30-дан астам мақалалардың авторы.
• Қазақ, орыс және неміс (сөздікпен) тілдерін біледі.
• КОКП (1972-1992),
• «Нүр Отан» ХДП (2006 жылдан) мүшесі.
• 1965 жылдан - Ақтөбе облысы Қобда ауданының В.И. Ленин атындағы ұжымшардың тракторисі.
• 1966 жылдан - Батыс Қазақстан аграрлық-техникалық институтының студенті.
• 1971 жылдан - Ақтөбе облысы Қобда ауданы «Жарық» кеңшарында тұқым өсіруші агроном.
• 1972 жылдан - Қазақстан ЛКЖО Қобда аудандық комитетінің бірінші хатшысы.
• 1976 жылдан - Алматы жоғарғы партия мектебінің тыңдаушысы.
• 1978 жылдан - Қобда аудандық Халықтық бақылау комитетінің төрағасы,
• 1980 жылдан - Қазақстан Компартиясы Ақтөбе облысы Қобда аудандық комитетінің екінші хатшысы.
• 1985 жылдан - Шалқар аудандық Халық депутаттары кеңесі атқару комитетінің төрағасы,
• 1986 жылдан - Қазақстан Компартиясы Шалқар аудандық комитетінің бірінші хатшысы.
• 1991 жылдан - Ақтөбе облыстық атқару комитетінің ауыл шаруашылығы басқармасының бастығы.
• 1992 жылдан - Ақтөбе облыстық жер ресурстарын басқару комитетінің төрағасы.
• 2005 жылдан - Ақтөбе облыстық Жер қатынастары басқармасының бастығы.
• 2011 жылдан - «Гео Экология» консорциумының жетекшісі.
• 2016 жылдан осы уақытқа дейін «Геобазис» ЖШС Бас директорының кеңесшісі.
• Ақтөбе облыстық Халық депутаттары кеңесінің депутаты (1986-1992).
• Қазақстан Компартиясы XVII съезінің, КСРО Шаруалар одағының III съезінің делегаты. Облыстық партия комитетінің мүшелігіне, облыстық Халық депутаттары кеңесінің депутаттығына бірнеше рет сайланды.

Жетістіктері

• «Құрмет» орденімен (2006);
• «Ерен еңбегі үшін» (1974),
• «Қазақстан Республикасының тәуелсіздігіне 10,20,30 жыл» (2001, 2011, 2021),
• «Тыңға 50 жыл» (2005),
• «Астананың 10, 20 жылдығы» (2008, 2018),
• «Парасат» орденімен (2019)
• ҚР СІМ «РФ мөн ҚР арасындағы мемлекеттік шекара жөніндегі келісімге қол қою құрметіне» (2005),
• Ресей авиағарышының «Жер үстіндөгі ғарыштық инфрақұрылымдарды жасауға қосқан шығармашылық үлесі үшін» (2009) медальдарымен;
• БЛКЖО ОК белгісімен (1975) марапатталған.
• ҚР Құрметті жер құрылысшысы (2003).
• Ақтөбе облысының Жыл адамы (2004).
• Ақтөбе облысы Шалқар ауданының (1998),
• Қобда ауданының (1999) Құрметті азаматы.
• Ақтөбе облысының Құрметті азаматы (2010).
• «ҚР ауылшаруашылығының үздігі» (2020)

Әскери атағы - запастағы майор. Діни көзқарасы - материалист. Қазақстанның болашағы туралы болжамы - «Қазақстанның гүлденуі - Еуразиялық құрлықтағы өркениетті мемлекетке айналуы». Хоббиі - аң аулау, балық аулау, туризм; Қазақстан халықтарының тарихи мұраларын жинау. Сүйіп оқитын әдебиеті - поэзия, тарихи романдар, деректі повестер, классика, әзіл әңгімелер. Үйленген. Жұбайы - Саттарова Сақыпжамал Айғалиқызы, Ақтөбө облыстық мәслихатының тексеру комиссиясының төрайымы. ¥лы - Абат (1972 жылы туған); қыздары - Әсия (1979 жылы туған), Әлия (1983 жылы туған). Немерелері - Әсем, Әсет, Сұлтан, Аяна, Әмір, Алихан.