Мәнтай Нұхтиұлы Төлегенов

Мәнтай Нұхтиұлы Төлегенов - 1954 жылы 19 қарашада Алматы облысы Киров кентінде туған. Қазақ.

Анасы - Төлегенова Апиза (1924 ж. т.), зейнеткер, өндірісте жұмыс істеген.

Алматы Халық шаруашылығы институтын бітірген (1980), экономист.

Техника ғылымдарының кандидаты (1999).

Қазақ, орыс және неміс тілдерін біледі.

1971 жылдан - «Алма-Атасельстрой-6» тресінің №608 арнайы мамандандырылған жылжымалы колоннасының слесарі. 1973 жылдан - Кеңес Әскерінің қатарында қызметте. 1976 жылдан - Алматы халық шаруашылығы институтының студенті. 1980 жылдан - Алматы үй құрылысы комбинатының инженер-экономисі, жабдықтау бөлімінің бастығы. 1986 жылдан - Алматы қаласы ҚӨЖҚБ ӨТЖБ бас инженері. 1987 жылдан - «Казтяжстрой» тресінің ӨТЖБ (кейінірек - «Комснабстрой») бастығы. 2009 жылдан бері - «Комснабстрой» құрылыс компаниясы» ЖШС директоры.

Оның басшылығымен және белсенді қатысуымен Қазақстан Республикасындағы өнеркәсіптік және азаматтық қызмет атқаратын маңызды да керемет нысандар салынған және салынуда. Олардың арасында-Алматы қаласындағы және ҚР-дағы емдеу және оқу мекемелері, Республикалық урология ғылыми орталығы, ҚР Президентінің Күзет қызметі, банктер, мәдениет нысандары, Халықаралық қазақ-түрік университеті (Түркістан қ.), Тараз қаласының әкімдігі, Астана қаласындағы Қазақ музыка академиясы, «Мың-Жылқы» (Талғар қ.) мал өсіру кешені, Астана қаласы Есіл өзенінің солтүстік жағалауындағы жаңа орталықтың салынуы, Қапшағай қаласының сыртындағы «Түркістан қаласы» декорациясының құрылысы бар. Мешіттердің құрылысына атсалысқан, өнер адамдарына, онкологиялық науқастарға, әл-ауқаты шамалы жанұяларға демеушілік көмек көрсетеді.

«Астананы салғаны үшін» медалімен; ҚР Қорғаныс министрлігінің, Алматы қаласы, Алматы облысы әкімдерінің, Қазақстан құрылысшылар қауымдастығының құрмет грамоталарымен марапатталған.

ҚР Құрметті құрылысшысы.

Әскери атағы - сержант.

Діни көзқарасы - мұсылман.

Қазақстанның болашағы туралы болжамы - «Қазақстанның өркендей беретініне, оның экономикалық келешегіне сенемін».

Хоббиі - оқу, спорт.

Сүйіп оқитын әдебиеті - тарихи, көркем және классикалық әдебиет.

Үйленген. Жүбайы - Төлегенова Кенжегүл (1976 ж. т.). Қыздары - Әлия (1977 ж. т.), Бибігүл (2004 ж. т.), Мәлике (2006 ж. т.), ұлы - Әмірхан (2010 ж. т.).