Мәті мола

Мәті – Бозащы түбегіндегі мола. Мәті моласы Тасорпа құдығының батыс бетіндегі екі шақырымдай жерде орналасқан. Шежіре дерегі бойынша Мәті қазақтар бала етіп алған Иран шахы Нәдірдің (1688 – 1747) ұлы. Мәті Маңғыстауда адай ішінде Жары тоқтамыс руынан шыққан Емелбетке бала болып, мал бағады. Кейін мешіт ұстап, бала оқытқан. Емшілікпен айналысып, шипагер емші атағымен де танылады. Артында бұл қасиеті туралы «Мәті – аурудың келді сәті» деген сөз қалған. М. туралы жазушы Ә.Кекілбаевтың «Шандоз» романында, Ә.Спан мен Ж.Дүйсенбаеваның «Махамбет және Маңғыстау» әңгімелерінде бейнеленген.