Мәулен Сағатханұлы Әшімбаев

Мәулен Әшімбаев
Әшімбаев, 2026 жыл
Лауазымы
Ту Парламент Сенатының 8-төрағасы Ту
4 мамыр 2020 — 30 маусым 2026
Президент	Қасым-Жомарт Тоқаев
Ізашары	Дариға Назарбаева
Ізбасары	Сенат тарады
Ту Президент Әкімшілігі Басшысының бірінші орынбасары Ту
18 желтоқсан 2019 — 4 мамыр 2020
Президент	Қасым-Жомарт Тоқаев
Ізашары	Дархан Кәлетаев
Ізбасары	Дәурен Абаев
Басшысы	Ерлан Қошанов
Ту Президент көмекшісі Ту
30 шілде — 18 желтоқсан 2019
Президент	Қасым-Жомарт Тоқаев
Ізбасары	Қанат Бозымбаев
Ту Нұр Отан төрағасының бірінші орынбасары Ту
1 ақпан 2018 — 29 маусым 2019
Ізашары	Мұхтар Құл-Мұхаммед
Ізбасары	Бауыржан Байбек
Төрағасы	Нұрсұлтан Назарбаев
Ту Мәжілістің 5 және 6-сайланым депутаты Ту
18 қаңтар 2012 — 7 ақпан 2018
Президент	Нұрсұлтан Назарбаев
Төрағасы	Нұрлан Нығматулин Қабиболла Жақыпов Бақтықожа Ізмұхамбетов Нұрлан Нығматулин
Ту Президент Әкімшілігі Басшысының орынбасары Ту
13 сәуір 2006 — 6 қазан 2011
Президент	Нұрсұлтан Назарбаев
Ізашары	бірінші орынбасары ретінде Марат Тәжин
Ізбасары	Бағлан Майлыбаев
Басшысы	Әділбек Жақсыбеков Қайрат Келімбетов Аслан Мусин
Ту Қауіпсіздік Кеңесі хатшысының орынбасары Ту
мамыр 2005 — сәуір 2006
Президент	Нұрсұлтан Назарбаев
Хатшысы	Болат Өтемұратов
Өмірбаяны
Партиясы	Аманат
Білімі	1) Әл-Фараби атындағы Қазақ ұлттық университеті (1993) 2) Джонс Хопкинс университеті (2004) 3) Тафтс университеті
Ғылыми дәрежесі	саясаттану ғылымдарының кандидаты
Мамандығы	экономист
Дүниеге келуі	28 қаңтар 1971 (1971-01-28) (55 жас) Алматы, Қазақ КСР, КСРО
Әкесі	Сағатхан Әшімбаев (1947–1991)
Анасы	Шәрбану Бейсенова (1947)
Жұбайы	Айгүл Бөтеева
Балалары	4
Марапаттары	Құрмет ордені
Мәулен Әшімбаев Ортаққорда

Мәулен Сағатханұлы Әшімбаев (28 қаңтар 1971 жыл, Алматы) — қазақстандық саясаткер, экономист, саясаттанушы, 2020–2026 жылдары Сенаттың соңғы төрағасы. Саясаттану ғылымдарының кандидаты.

Бұрын Президент Әкімшілігі басшысының бірінші орынбасары (2019–2020), «Нұр Отан» партиясы төрағасының бірінші орынбасары (2018–2019), Мәжіліс депутаты (2012–2018) сияқты лауазымдар атқарған.

Өмірбаяны

Мәулен Әшімбаев 1971 жылы 28 қаңтарда Алматы қаласында дүниеге келген. Ұлы жүздің Албан тайпасынан шыққан.

Әл-Фараби атындағы Қазақ ұлттық университетінің экономика және социология факультетін бітірген (1993), экономист, политэкономия оқытушысы. Саясаттану ғылымдарының кандидаты (диссертация тақырыбы — «Политический транзит в Казахстане в контексте процессов глобальной демократизации», 2001). Құрмет орденімен марапатталған.

Ағылшын тілін еркін меңгерген. Үйленген, төрт баласы бар: қыздары Айғаным (1996), Алтынай (1999), Әлима (2004) және ұлы Әмірлан (2022).

Қызмет жолы

Университетті бітіргеннен соң 1993–1994 жылдары Баспасөз және бұқаралық ақпарат министрлігінің жүйесінде жұмыс істеді: Баспа қорында маркетинг бөлімінің жетекші маманы, бас маманы, қордың атқарушы директорының орынбасары болды.

1994–1995 жылдары — Қазақстан Жоғарғы Кеңесінің депутаты Досмұхамет Нұрахметовтің көмекшісі.

1995 жылғы маусым–қараша аралығында — Қауіпсіздік кеңесі аппаратының консультанты.

1995–1999 жылдар аралығында Президент Әкімшілігінің Сараптау және стратегиялық зерттеулер орталығының бас сарапшысы, сектор меңгерушісі, осы орталық жетекшісі Марат Тәжиннің бірінші орынбасары болды.

1999–2002 жылдары — Қауіпсіздік кеңесі Сараптау орталығының меңгерушісі. Оған қоса 2000–2005 жылдары Президент жанындағы Стратегиялық зерттеулер институтының директоры, 2004–2005 жылдары Тұңғыш Президент қоры жанындағы Әлем экономикасы және саясаты институтының директоры болып қызмет атқарды.

2005–2006 жылдары — Қазақстан Қауіпсіздік кеңесі хатшысының орынбасары.

2006–2011 жылдары — Қазақстан Президенті Әкімшілігі басшысының орынбасары. 2011 жылдың соңында Нұр Отан партиясы төрағасының бірінші орынбасары Нұрлан Нығматулиннің кеңесшісі болып қызмет атқарды.

2012 жылғы қаңтардан бастап V сайланған және 2016 жылғы наурыздан бастап VI сайланған Парламент Мәжілісінің депутаты болып жүріп 2012—2018 жылдары Мәжілістің Халықаралық істер, қорғаныс және қауіпсіздік комитетін басқарды. Нұр Отан партиясының партиялық тізімі бойынша сайланған.

2018 жылғы 1 ақпаннан 2019 жылғы 29 маусымға дейін — Нұр Отан партиясы төрағасының бірінші орынбасары. 2019 жылы 3 мамырда ҚР Президенттігіне кандидат Қасым-Жомарт Тоқаевтың сенімді өкілі ретінде оның Республикалық қоғамдық штабын басқарды.

2019 жылғы шілде–желтоқсан айларында — президент Қасым-Жомарт Тоқаевтың көмекшісі.

2019 жылғы желтоқсан – 2020 жылғы мамыр аралығында Президент Әкімшілігі Басшысының Бірінші орынбасары.

2020 жылғы 4 мамырда VI шақырылымдағы Парламент Сенатының депутаты болып тағайындалды және Сенат төрағасы болып сайланды. 2023 жылғы 26 қаңтарда VIII шақырылымдағы Сенат төрағасы болып қайта сайланып, бұл лауазымды 2026 жылғы 30 маусымға дейін атқарды. 2023 жылы Қазақстан бочча федерациясының президенті болып сайланды.

Марапаттары

Парасат (2015) пен Құрмет (2007) ордендерімен және мерекелік медальдармен марапатталған. 2003 жылы Джонс Хопкинс университетінің Халықаралық зерттеулер мектебінде (АҚШ) ғылыми тағылымдамадан өтті.

Еңбектері

• Политический транзит в Казахстане: содержание процесса и его особенности (2001)
• Современный терроризм: взгляд из Центральной Азии (2002, қосалқы автор)
• Безопасность Казахстана на современном этапе (2002)
• Политический транзит: от глобального к национальному измерению (2002)
• Центральная Азия до и после 11 сентября: геополитика и безопасность (2002, қосалқы автор)
• Нефтегазовые ресурсы Казахстане в системе мировых и региональных отношений (қосалқы автор)
• Военно-политическая расстановка сил в Каспийско-Центральноазиатском регионе (2003, қосалқы автор)

Сілтемелер

Мәжілістің құрамы мен құрылымы, Мәулен Сағатханұлы Әшімбаев