Надежда Николаевна Насырова

Надежда Николаевна Насырова - 1960 жылы 1 қарашада РКФСР Тюмень облысы Есіл қаласында туған. Орыс. Анасы - Водолазова Фаина Филипповна (1939 ж. т.), балабақшада тәрбиеші болған. Тюмень өнер училищесінің қуыршақ театры актері мамандығы бойынша (1978); Алматы мемлекеттік театр- көркемөнер институтының драма театры және кино актері мамандығы бойынша (1981); Б. Бейшеналиева атындағы Өнер институтын драма режиссері мамандығы бойынша (Бішкек, 2010) бітірген. Орыс және қазақ (ауызекі сөйлеу) тілдерін біледі. 1980 жылдан бері - Маңғыстау облыстық қуыршақ театрының актрисасы, жетекші сахна шебері. 2004 жылдан бері -Маңғыстау облыстық қуыршақ театры бас режиссерінің міндетін атқарушы. «Құрмет» орденімен (2005) марапатталған. ҚР Президентінің Апғыс хатын алған (2001). Діни көзқарасы - барлық діндерге дұрыс көзқараста. Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «ҚР халықаралық беделінің нығаюы және Қазақстанда өмір сүріп жатқан халықтардың бақ-дәулетінің одан әрі көбеюі». Хоббиі - би, қолданбалы өнер. Сүйіп оқитын әдебиеті - орыс және шетел классикасы, қазіргі заманғы әдебиет. Тұрмыс құрған. Жұбайы - Ефимов Сергей Иванович, «Содексо Қазақстан» компаниясының технигі. Қызы - Анастасия (1982 ж. т.), «Қазақстан HSBC банкі» маркетинг, жарнама және бұқарамен байланыс қызметінің жетекшісі.