Наньшань

Уикипедия — ашық энциклопедиясынан алынған мәлімет
Jump to navigation Jump to search
Наньшань таулары, Қытай

Наньшань (қыт. 南山 – нань – оңтүстік, шань – тау), немесе Циляньшань (祁连山) — Орталық Азиядағы тау жүйесі, Қытай мемлекетінің аумағынданда орналасқан. Оңтүстік-батысында Цайдам қазаншұңқырымен, солтүстік-шығысында Алашан шөлімен шектеседі. Ұзындығы 800 км, ені 320 км, биіктігі 6346 м-ге дейін жетеді. Тау жүйесі аңғарлармен бөлінген бірнеше жоталардан тұрады: Циляньшань, Таолайшань, Сулэнаньшань,Улан-Дабан, Дакэн-Дабан, т.б. Солтүстік және батыс беткейлерінде ұзындығы 2 – 3 км болатын мыңнан астам мұздық бар. Ертепалеозойлық құмтас, тақтатастың қатпарлы қабаттарынан (солтүстік жоталар), метаморфтық тау жыныстары араласқан кембрийге дейінгі кристалдық қабаттан (ішкі жоталар) және палеозой, триастың шөгінді жыныстарынан (оңтүстік жоталар) түзілген.Темір, полиметалл кендері бар. Климаты континенттік. Өзендерінің (ірілері Датунхэ, Сулэхэ, Жошуй, т.б.) деңгейі көктем мен жазда көтеріледі. Батысында дала мен шөл, шығысында орманды дала, қылқанды орман, альпілік шалғын тараған. Наньшаньды жабайы қодас, бөкен, тауешкі мекендейді.[1]

Ортаққорда бұған қатысты медиа санаты бар: Qilian Mountains

Дереккөздер[өңдеу]

  1. Қазақ Энциклопедиясы«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VI том