Нарбин Кенжеғұлова

Нарбин Кенжеғұлова (26 қаңтар 1948 жыл, Шығыс Қазақстан облысы Үржар ауданы, Алексеевка селосы) - жазушы, аудармашы, филология ғылымдарының кандидаты.

• 1974 жылы Қазақ мемлекеттік университетінің журналистика факультеті тамамдаған.
• «Сельское хозяйство Казахстана» — «Қазақстан ауыл шаруашылығы» журналында бөлім меңгерушісі (1978 — 1986)
• Қазақ КСР Баспа, полиграфия және кітап саудасы істері жөніндегі мемлекеттік комитетінде жетекші маман (1987—1988)
• республикалық Кітап палатасында директордың орынбасары (1988 — 1989)
• Жазушылар одағында көркем аударма және әдеби байланыстар алқасында бөлім меңгерушісі (1989—1994) болып қызмет істеді.
• 1994 жылдан бері қарай әл-Фараби атындағы Қазақ мемлекеттік ұлттық университетінің журналистика факультетінде ұстаздық қызметте. Филология ғылымының кандидаты.

Шығармашылығы

Шығармаларын қазақ және орыс тілдерінде жазады. Фантастикалық шығармалары бойынша «Білім және еңбек» (қазіргі «Зерде») журналының 1978 жылғы жүлдегері, фантаст-жазушылардың 1987 жылғы Бүкілодақтық кеңесіне (Юрмала, Дубылты) қатысушы. Көркем аудармамен де шұғылданады. Бірқатар қазақ жазушыларының шығармаларын орыс тіліне аударған.

• М.Каддафидің «Жасыл кітабын» қазақ тілше аударған (1992, «Дәуір»).
• Мойылқара (1983)
• «Қиын шешім» (1984)
• «Жерұйыққа саяхат»
• «Қызыл сәуле», т.б. фантастикалық шығармалар жинақтарында әңгіме-повестері жарияланған.
• Кейінгі жылдары «Дорогу осилит идущий» ғұмырнамалық хикаяты
• Т.Айтбайұлынан тәржімалаған «Тысяча одна ночь и тысяча один день» романы жарық көрді.