Нарсұтбай (Нұрсұлтан) Есеболатов

Уикипедия — ашық энциклопедиясынан алынған мәлімет
Jump to navigation Jump to search

Нарсұтбай (Нұрсұлтан) Есеболатов(1913, Алматы облысы,Ақсу ауданы,Есеболатов ауылы - 16. 11.1941, Мәскеу облысы,Волоколам ауданы,Дубосеково темір жолы айырмасы) - 2-дүниежүзілік соғысқа қатысушы, қатардағы жауынгер. 1938—41 жылы Алматы трамвай тресінде жұмыс істеген. 1941 жылы Кеңес әскері қатарына шақырылған. Осы жылы 16 қарашада Мәскеу облысы,Волоколам ауданы,Дубосеково темір жолы айырмасында танкіге қарсы шайқасатын топтың құрамында (саяси жетекші В.Г.Клочков бастаған) жаудың бірнеше шабуылына тойтарыс беруге және 18 танкісін жоюға қатысты. Осы шайқаста Есеболатов ерлікпен қаза тапты. Волоколам ауданының Нелидово деревнясындағы бауырластар зиратына жерленді. Бұл ерлік 28 батыр-панфиловшылар ерлігі деген атпен тарихқа енді. КСРО Жоғарғы Кеңесі Төралқасының Жарлығымен Есеболатовқа Кеңес Одағының Батыры атағы, Ленин ордені және «Алтын Жұлдыз» медалі берілді (21.7.1942). Олардың құрметіне Мәскеу қаласының Северное Тушино ауданындағы бір көше Батыр-панфиловшылар көшесі аталып, онда мемориалдық тақта орнатылған. 1975 жылы Дубосековода мемориалдық тақта, Нелидово деревнясында (Дубосеково темір жолы айырмасынан 1,5 шақырым жерде) батыр-панфиловшыларға ескерткіш орнатылып, мұражай ашылды. Алматы қаласында 28 гвардияшы-панфиловшылар атындағы саябақ бар, онда оларға арналып монумент койылған. Алматы облысы,Ақсу ауданы,Жансүгіров кентінде көше мен мектепке Есеболатов есімі берілген.[1]

Дереккөздер[өңдеу]

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х