Нарын (өзен, Қырғызстан)

Нарын
қыр. Нарын, өзб. Norin
Нарын қаласы тұсында
Сипаттамасы
Ұзындығы	807 км
Су алабының ауданы	59900 км²
Су алабы	Сырдария → Арал теңізі
Су ағысы
Бастауы	Майтар және Қашқасу өзендері
• Орналасқан жері	Тәңір тауы
• Биіктігі	3453 м
• Координаттары	41°49′08″N 78°02′04″E
Сағасы
• Орналасқан жері	Сырдария
• Координаттары	40°54′07″N 71°45′29″E
Орналасуы
Ел	Қырғызстан  Өзбекстан
Аймақ	Ыстықкөл облысы, Нарын облысы, Жалалабат облысы, Наманған облысы
Ортаққордағы санаты: Нарын

Нарын өзені (қыр. Нарын, өзб. Norin) — Қырғызстан және Өзбекстанның жерімен ағатын өзен. Қарадария өзенімен қосылған соң Сырдария өзеніне айналады.

Географиялық мәліметтер

Нарынның ұзындығы – 807 км, су алабының ауданы 59 900 км². Орталық Тәңір тауы мұздықтарынан бастау алатын Үлкен Нарын мен Кіші Нарын өзендерінің қосылуынан пайда болады. Тау аралық аңғарда, кейде тар шатқалдарда ағады. Сағадағы орташа су шығыны – 480 м³/с, максималды шығыны – 2820 м³/с, қалқыма тұнымдары – 760 кг/с. Мұздық-қарлармен қоректенеді. Суы мамырдан тамызға дейінгі аралықта тасиды. Максималды ағын маусым-шілде айларында болады. Бастауы қатып қалады. Судың минералдануы 200-500 мг/л, сағасына қарай, әсіресе саба кезде көбейеді. Өзеннің бастауында ауданы 91023,5 га болатын Нарын мемлекеттік табиғи қорығы орналасқан.

Нарында көптеген салалар бар. Олардың ең ірісі: (оң) Көкөмерен, Қарасу, Ұзынақмат, Шыжқан, Онарша, Төркен, Қажырты, (сол) Атбасы, Алабұға, Көкйірім, Қарасу.