Нгерулмуд

Уикипедия — ашық энциклопедиясынан алынған мәлімет
Jump to navigation Jump to search
Нгерулмудтағы Палауның Капитолий ғимараты

Нгерулмуд (ағылш. Ngerulmud) — 2006 жылдың 7 қазанынан бастап Палау астанасы[1][2][3]. Елдің бұрынғы астанасы Корор қаласынан солтүстік-шығысына қарай 20 км қашықтықта және Мелекеок елді мекенінен солтүстік-шығысына қарай 2 км қашықтықта Бабелтуап аралында орналасқан.

Тарихы[өңдеу]

Мелекеок штатындағы қаланың орналасуы

Палауның бұрынғы астанасы Корор қаласында орналасқан еді. 1979 жылы бекітілген конституция бойынша Палауның Ұлттық конгрессі Бабелтуап аралында тұрақты ел астанасын құру туралы қаулы шығарды. Бұл қаулы бойынша конституцияның күшке енген күннен бастап он жыл ішінде елде жаңа елорда пайда болуы тиіс еді.[4]. Микронезия Федерациялық Штаттарының астанасы Паликир қаласында Капитолий кешенін жобалаған гавайилық Hawaii Ltd.' сәулет фирмасына Капитолий ғимаратының құрылысы туралы шарты берілгеннен кейін жаңа астананың жобалануы 1986 жылы басталды. Құрылыс жұмыстары өте баяу жүргізілді, өйткені Палауда инженерлердің және сәулетшілердің жетіспеушілігі сезілді және құрылыс материлдардың басым бөлігін шетелден импорттаған[5].

Палау Тайваньнан 20 млн АҚШ доллары көлемінде екі елдің арасындағы қарым-қатынасты нығайту және Палау елі жағынан Тайваньның дипломатиялық мойындауын қамтамасыз ету шеңберінде қарыз алғанға дейін кейінгі құрылыс жұмыстары 2000-шы жылдардың басына дейін тоқтатылды[6]. Құны 45 млн долларды құрайтын және қаланың орталық аланы арқылы байланысқан Палау парламенті (елдің заң шығарушы органы), сот және атқарушы билік тармақтарына арнайы салынған бөлек ғимараттар 2006 жылдың 7 қазанында ашылды. Ашылу салтанатына 5000-ға жуық адам қатысты[7]. Үкімет шенеуніктері құрылыс аяқталғаннан кейін тез арада өз кеңселерін Корорадан Нгерулмудке қарай көшірді[1].

2013 жылы The Wall Street Journal газеті Капитолий ғимараты туралы «жергілікті климат үшін жарамсыз» және «Палауны қарызға кіргізді» деп жазды, сонымен қатар желдеткіш жүйесіндегі ақауларға байланысты ғимарат ішін зең басты[8]. 2013 жылдың сәуірінде почтмейстер Томми Синсак жасаған шығындарды қысқарту шеңберінде Нгерулмудтың пошта бөлімшесі тұрақты негізде жабылды. Бөлімше 2011 жылдың желтоқсанында конгресстің резолюцияны енгізуінен кейін құрылды. Елде екі ғана осындай бөлімше жұмыс жасаған (екіншісі Корора қаласында). Жұмыстың 16 ай ішінде шығындар $ 30 000 асты, ал табысы, негізінде маркалардың сатуынан, $ 2000 әрең жетті[9]. Нгерулмуд өзінің жеке пошта индексі (96939) бар Палаудағы жалғыз елді мекен, елдің басқа аймақтарында 96940 индексі қолданылады[10].

2014 жылдың шілдесінде Нгерулмудте Тынық мұхит аралдарының 45-ші форумы ресми түрде ашылды. Бірақ, осыған қарамастан форумдағы шаралардың басым бөлігі Корорада өткізілді[11][12]. 2016 жылдың ақпанында Нгерулмудте Микронезия президенттерінің 16-шы саммиті өткізілді. Осы шараға Палауның, Маршалл аралдарының және Микронезия Федерациялық Штаттарының президенттері қатысты[13].

Галерея[өңдеу]

Дереккөздер[өңдеу]

  1. a b US Department of State. Background Note — Palau: Government offices moved to a new National Capitol Building complex located at Ngerulmud, Melekeok State
  2. US Department of Interior, President of the Republic of Palau Inaugural Address
  3. Addresses of Palau Government offices
  4. Constitution of the Republic of Palau — Embassy of the Republic of Palau, Washington, DC. Retrieved 25 February 2013.
  5. Lucy Jokiel (1 желтоқсан 1995). «Trading places: while Hawaii’s economy bottoms out, Guam’s and Palau’s are ready to take off» — Hawaii Investor. Retrieved from Factiva, 25 August 2014.
  6. Ralph Jennings (5 September 2006). «Taiwan hands economic aid to firm ties with Palau» — Reuters. Retrieved from Factiva, 25 August 2014.
  7. «Pride in Palau for new Capitol» — The Honolulu Advertiser. Published 12 November 2006. Retrieved 25 February 2013.
  8. David Walter (1 March 2013). «Sequestration in Paradise: Palau worries it will be collateral damage in Washington’s budget fight» — The Wall Street Journal. Retrieved from Factiva, 25 August 2014.
  9. Aurea Gerundio-Dizon (23 April 2013). «Palau Capital Building Post Office ‘Closed For Good’» — Island Times. Retrieved 2 March 2015.
  10. Maripet L. Poso (3 November 2010). «House requests Toribiong to establish Post Office in Ngerulmud» — Marianas Variety. Retrieved 2 March 2015.
  11. Calendar of Events — Palau PIF. Retrieved 21 January 2015.
  12. «Pacific Islands Forum opens in Palau with plea to protect world’s oceans» — Radio Australia. Retrieved 21 January 2015.
  13. (23 February 2016). «16th Micronesian Presidents’ Summit concludes» — Island Times. Retrieved 21 March 2016.