Недзвецкий кекіресі

Недзвецкий кекіресі

НЕДЗВЕЦКИЙ КЕКІРЕСІ (Охуtrоріs піеdzweckіana) — бұршақтар тұқымдасына жататын көп жылдық өсімдік. Іле Алатауында ғана кездесетін эндемик. Биіктігі 35 см-дей, сұр - жасыл түсті, сабақсыз өсімдік. Қысқа жер үсті өркендері шымқабат түзеді. Ұзындығы 15-20 см болатын жапырақтары ұзындығы 5-10 см, ені 2-3 мм 28-дей жұп қандауыр жапырақшалардан тұрады. Гүлсидамы жапырақтарымен бірдей, гүлдері қысқа гүлшоғырда орналасқан. Тостағаншалары түтікті қоңырау пішінді, ұзындығы 7- 8 мм, күлтесі ашық көк, күлгін түсті, ұзындығы 20 мм-дей. Мамыр- маусымда гүлдейді. Жемісі - бұршаққап. Тұқымынан көбейеді. Өте сирек кездесетін болғандықтан Қазақстанньң “Қызыл кітабына” енгізілген.