Неке сарайы (Алматы)
| Неке сарайы | |
 | |
| Жалпы мәлімет | |
|---|---|
| Статусы |
жергілікті маңызы бар сәулет ескерткіші |
| Мекен жайы |
Абай даңғылы, 101а |
| Орналасқан қала | |
| Мемлекет | |
| Ашылған уақыты | |
| Дизайны мен құрылымы | |
| Сәулетшісі | |
| Соғушы | |
| Инженері | |
| Картада орналасуы | |
|
| |
Координаттар: 43°14′28″ с. е. 76°55′12″ ш. б. / 43.241250° с. е. 76.920028° ш. б. (G) (O) (Я)
Неке сарайы – неке қиюға арналған ғимарат, Алматы қаласының жергілікті маңызы бар тарих және мәдениет ескерткіштерінің мемлекеттік тізіміне енген сәулет өнері ескерткіші.
Орналасқан жері
[өңдеу | қайнарын өңдеу]Алматы қаласы, Абай даңғылы, 101.
Кезеңі
[өңдеу | қайнарын өңдеу]Құрылыс мерзімі – 1969-1971 жылдар. Жоба авторлары: сәулетшілер – М.М. Меңдіғұлов, А.А. Леппик; инженер – Н.О. Оразымбетов.
Сәулеті
[өңдеу | қайнарын өңдеу]
Ғимараттың жалпы жобасы шеңберленіп келген (диаметрі 34 м) үш көлемнен тұрады. Екі қабатты, астында тұғыр қабаты бар. Тұғыр қабатта қызмет, техникалық және қойма бөлмелері орналасқан.
Бірінші қабаттағы кең еңселі хауызы бар дәліздің екі қапталына жұбай мен қалыңдық бөлмесі, күту залы, шампан-шарап залы, фотоателье, қызмет бөлмелері және негізгі салтанат басқышы орналастырылған.
Екінші қабатта салтанатты неке қию және алдын ала тіркеу залы, сыйлықтар мен базарлықтар залы және әкімшілік-қызмет бөлмелері бар. Екінші қабаттағы бөлмелердің бәрі айналма галерея бойына орналасқан.
Ғимарат тұтас темір-бетон қаңқалы, оның радиусын бойлай жақтау конструкция мен сақина арқалықтар жіберу әдісімен тұрғызылған. Қабырғасы кірпіштен өрілген. Жабын конструкциясында радиус бойлай металл арқалықтар пайдаланылған.
Қасбетін әрлеу ісінде ақ мәрмәр қолданылып, тұтас шыны қабырға сыртынан оймышты күнқағар шілтер тартылған. Ішкі әрлеу ісінде типылданған ақ мәрмәр, габро, айна шыны және емен кең қолданылған.[1][2]
Дереккөздер
[өңдеу | қайнарын өңдеу]- ↑ Қ 18 Қазақстан архитектурасы – Архитектура Казахстана. – Алматы, «Өнер», 2013. т. 9. – 192 б. – қазақша, орысша. ISBN 978-601-209-212-7
- ↑ Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8