Неміс драма театры

Уикипедия — ашық энциклопедиясынан алынған мәлімет
Jump to navigation Jump to search

Неміс драма театры, Теміртау қаласында 1980 ж. 26 желтоқсанда ашылған. А.Реймгеннің “Алғашқылар” атты пьесасымен алғаш сахнасы ашылған. Театрдың актерлік труппасының негізін Мәскеудің М.С. Щепкин атындағы театр училищесін бітіргендер құрады. Театр репертуарында орыстың және немістің классик., сол сияқты осы заманғы шетелдік шығармалар болды. Олардың ең бастылары: Г.Э. Лессингтің “Эмилия Галотти”, Ф.Шиллердің “Зұлымдық пен махаббат”, Н.В. Гогольдің “Үйлену”, Б.Брехтің “Үш тиындық опера” А.Н. Островскийдің “Ұлық болсаң кішік бол”, В.Борхерттің “Көшеде, есік алдында”, Ф.Дюренматтың “Физиктер”, А.В. Вампиловтың “Провинция анекдоттары”, В.М. Шукшиннің “Жүрек қалауы”, Х.Калаудың “Етік киген мысық”, А.Дебольскийдің “Ұлы сынақ”, т.б. 1989 ж. театр Алматы қаласына көшірілді. Театр актерлерінің тарихи отандарына кетуіне байланысты труппа құрамы толықтай өзгеріп, Неміс театр академиясының жас түлектерімен жаңарды. 1990 жылдан бастап театр Швейцария, Германия, Австрия, Нидерланд елдерінде өткен халықар. фестивалдерге қатысты. Кейінгі жылдары классик. шығармалармен қатар “Алматыға келген Мильфорд ханым” (реж. Б.Атабаев) “Ей, қайсың барсың” (реж. И.Симонова), “Африкадағы пингвиндер” (реж. Н.Дубс), т.б. пьесаларды сахналады.[1][2]

Сілтемелер[өңдеу]

Дереккөздер[өңдеу]

  1. Қазақ Энциклопедиясы, 7том 2 бөлім
  2. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8