Николай Алексеевич Подорожный

Уикипедия — ашық энциклопедиясынан алынған мәлімет
Jump to navigation Jump to search

Николай Алексеевич Подорожный(15.12.1924 жылы туған, Петропавл қаласы) - 2-дүниежүзілік соғысқа қатысушы, барлаушы. 1930 жылы Махачкала қаласына (Дағыстан) отбасымен көшіп келген. Кеңес әскері катарына 1942 жылы алынып, кіші лейтенанттар курсына жіберілді. 1943 жылдан майдандағы ұрыстарға қатысты. Жау тылына, штабы орналасқан жерлерге өтіп, ондаған «тіл» алып келді. 1945 жылы 22 сәуірде Подорожный жауынгерлер тобын басқара отырып, Врицен қаласының (Германия) солтүстігінде Одер (Одра) өзенінен өтті. Бүл топ жау шебін басып алып, оны 4 сағат бойы қорғап тұрды. Жаудың бірнеше шабуылына тойтарыс бере отырып, басқа бөлімшелердің өзеннен өтуіне ықпал етті. КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (15.5.1946). Махачкаладағы КСРО ІІМ-нің училищесін (1949), Дағыстан университетін бітірген. 1949-58 жылы шекара әскерінде қызмет атқарды. Запасқа шықканнан кейін Таллин, кейіннен Махачкала қаласында тұрды. 1985 жылы зейнеткерлік демалысқа шықты. Ленин, 1- дәрежелі Отан соғысы, «Қызыл Жұлдыз», 3-дәрежелі Даңқ ордендерімен марапатталған.[1]

Дереккөздер[өңдеу]

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х