Николай Бауман

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Николай Бауман(1873-1905жж.)-кәсіби революционер, большевиктік партияның қайраткері. Қазан ветеринарлық институтын бітірген. Революциялық қызметін 90-жылдарда Қазанда бастады. 1896-1897 жылдары Петербор «Жұмысшы табын азат ету үшін күрес одағының» мүшесі болды. 1897 ж. наурыз айында қамауға алынды. 1899 жылы Петропавл қамалында жалғыз өзін 22 ай бойы қамауда ұстағаннан кейін 4 жылға Вят губерниясының Орлов қаласына айдауға жіберілді. 1899 жылы айдаудан қашып, Швейцарияға ауып кетті. 1900 жылы Владимир Ильич Лениннің «Искра» газетінің ашылуына ең жақын және белсенді көмекшілерінің бірі, Ресейге көлік құралдары арқылы газеттерді жіберуде алғашқы астыртын агент болды, жергілікті социал-демократиялық ұйымдармен қарым-қатынастар орнатты. 1901 ж. «Искра» газетінің редакторы болып тағайындалды. РСДРП Мәскеу комитетінің мүшесі болды. 1902 жылдың басында «искрашылармен» қарым-қатынас орнату үшін Киевке, содан кейін Воронежге келеді. Мәскеуге келер жолда қамауға алынып, Лукьяновск түрмесіне жабылады. 1902 ж. қамауда болған 10 искрашымен бірге қашып, шетелге өтіп кетеді. 1903 ж. Ресейге оралады. Мәскеу большевиктік партия ұйымын және РСДРП ОК Солтүстік бюросын бірге басқарды. Өзінің пәтерінде астыртын баспахана ашты. 1904 жылы Мәскеудегі Таган түрмесіне қамауға алынды. 1905 жылы түрмеден шыққаннан кейін Мәскеу партия комитеті жұмыстарына белсенді қатысады. 1905 жылы РСДРП Мәскеу комитеті ұйымдастырған шеру кезінде қарауыл агенті, қаражүздік тарапынан айуандықпен өлтірілді. Бүгінде Астана қаласының көшелерінің біріне Николай Бауман есімі берілген.

Пайдаланылған әдебиет[өңдеу]

А 37 Астана:Энциклопедия.-Алматы: «Атамұра», 2008.-576 бет.