Николай Григорьевич Давыдов

Уикипедия — ашық энциклопедиясынан алынған мәлімет
Jump to navigation Jump to search

Николай Григорьевич Давыдов 1937 жылы 22 наурызда ӨзКСР Ташкент қаласында туған.

  • Әкесі - Давыдов Григорий Александрович, марқұм. Анасы - Багдасарова Анна Григорьевна, марқұм.Үйленген. Жұбайы - Давыдова Светлана Анатольевна, инженер-бағдарламалаушы. Ұлы - Давыдов Артур Николаевич (1984 ж. т.), геофизика ғылымдарының магистрі, қызы - Давыдова Карина Николаевна (1986 ж. т.), МБУ студенті (Мәскеу қ.).
  • Орта Азия политехникалық институтының геологиялық барлау факультетін (1959) кен инженері-геофизик мамандығы бойынша; Марксизм-ленинизм университетін (1974) бітірген. McGill University,Monreal,Canada университетінің 4 дипломына және «Gross-Cultural Communications» (1997); «Essential Management Skills» (1998); «Accounting Finance for Non Financial Executives» (1998) менеджмент саласындағы сертификаттарына ие. Геология-минералогия ғылымдарының кандидаты (1971), докторы (1991). Докторлық диссертациясының тақырыбы: «Қазақстанның шегінді бассейндерінде мұнай-газдың болуын геологиялық-геофизикалық модельдеу және перспективалары». Қ.И. Сәтбаев атындағы Қазақ ұлттық техникалық университетінің профессоры (2005 жылдан). Халықаралық академияның, Қазақ минералдық ресур- стар академиясының (2002-2003), Ресей жаратылыстану ғылымдары академиясының (2009 жылдан) академигі.«Оңтустік Қазақстандағы газ кен орындарын іздеу барысында тігінен сейсмикалық бейіндеуді қолданудың жағдайы мен жолдары» (1984), «Оңтүстік Торғай бассейніндегі мұнайлы-газдың тектоникалық дамуы» (2004) монографияларының; 130 ғылыми жарияланымның; 35 Қазақстан мен Орталық Азия бойынша геологиялық есептердің авторы. 30 рационализаторлық ұсынысқа - геология және геофизика бойынша авторлық куәлікке ие (1959-1998). Орыс, қазақ және ағылшын тілдерін біледі.
  • 1959 жылдан - Қазақ геофизикалық тресінің Тұран геофизикалық экспедициясында геофизикалық партияның бас инженері. 1974 жылдан - геологиялық-геофизикалық еңдеуші интерпретациялау орталығының директоры (Шымкент қ.). 2000 жылдан - «Азимут Энерджи Сервисез» американ-қазақ компаниясының бас геологы. 2004 жылдан бері - «Қаратөбе Интернейшнл Ойл» ЖШС геология, геофизика және болжамдық бағалау женіндегі вице-президенті. 2008 жылдан бері - «ТұранПетролеум» ЖШС геология, геофизика және болжамдық бағалау жөніндегі вице-президенті (Алматы қ., Лос-Анджелес). Шымкент облысы Қатынкепір ауылдық кеңесінің депутаты (1989-1992). ЕАСЕ Еуропалық геофизик ғалымдар қауымдастығының мүшесі (Амстердам қ., 1995 жылдан); Еуро-Азиялық геофизиктер қоғамының мүшесі (Мәскеу қ., 1999 жылдан); «Жер қойнауын барлау және қорғау» журналының редакциялық алқасының мүшесі (2001 жылдан); ҚР Қорларды есептеу жөніндегі Мемлекеттік комиссияның (ҚМК) тәуелсіз сарапшысы (2005 жылдан); «Еңбектегі ерлігі үшін», «КСРО жер қойнауын барлаудағы сіңірген еңбегі үшін» медальдарымен, «КСРО Жер қойнауын барлау үздігі»; «Қазақстан кен орындарының ізашары» белгілерімен, Қазақстанның минералдық-шикізат базасын құрудағы зор үлесі үшін ҚР Энергетика және минералдық ресурстар министрлігі Геология комитетінің грамотасымен (2007) марапатталған. «ҚР жер қойнауының Құрметті барлаушысы» атағына ие.

Әскери атағы - запастағы капитан. Діни кезқарасы - атеист.

Саяси қайраткер ретіндегі идеалы - Н.Ә. Назарбаев.

Қазақстанның болашағы туралы болжамы - «Әлемнің 50 дамыған мемлекетінің қатарына кіретін қуатты агроөнеркәсіптік ел».

Хоббиі - теннис.

Сүйіп оқитын әдебиеті - А . Блоктың; С. Есениннің елеңдері; Ф.М. Достоевскийдің прозасы; балет, драма.[1]

Дереккөздер[өңдеу]

  1. Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2