Николай Григорьевич Кулебяев

Уикипедия — ашық энциклопедиясынан алынған мәлімет
Jump to navigation Jump to search

Николай Григорьевич Кулебяев(19.12.1906, Ресей, Пенза облысы- 11.6.1977) - 2-дүниежүзілік соғысқа катысушы, ага лейтенант, рота командирі. Соғысқа дейін Алматы қаласында инженер-құрылысшы болып жұмыс істеді. Кеңес әскері қатарына 1941 жылы желтоқсанда Алматыдағы Совет ауданы (қазіргі Алмалы) әскери комиссариаты арқылы шақырылды. 1943 жылдан бастап майданда саперлер ротасында ұрыстарға қатысты. Соғыс басталғанда ол командирлер даярлайтын 6 айлық курсты бітіріп, 106-атқыштар дивизиясынын саперлер ротасында болды. 1943 жылы 14 қазанда Кулебяев өз са- перлерімен бірге Днепр өзенінен өтіп, жаудың инженерлік бөгеттерін жойды. Кулебяев ротасының саперлері Днепр жағасын төмен қуалай, жау траншеясының бойымен ұрыса отырып, өздері жалған өткел жасаған жерге жетті. Түні бойы атыс жүріп жатты. Таң ата жау ротаның тұрған жерін анықтап, өзінің бар күшімен атқылай бастады. Бұл кезде күшті артиллериялық әзірліктен кейін кеңестік жаяу әскерлер Днепрден өтіп, немістерге соққы берді. Кулебяевтың ротасы паром тоқтайтын орын дайындап, Днепрден танкілер мен атты әскерлер корпусын өткізуді ұйымдастырды. Кулебяев өзі 32 сағат бойы өткелден кетпей, оның ойдағыдай жумыс істеуін қамтамасыз етті. Днепрден кейін ол Беларусьтің Полесье батпақтарын, Висла өзенінің арғы бетіндегі Сандомир плацдармында болған ұрыстарға, Луцк, Львов қалаларын азат ету ұрыстарына қатысты. Майдан даласында көрсеткен ерліктері үшін Кулебяевке КСРО Жоғарғы Кеңес Төралқасының Жарлығымен Кеңес Одағының Батыры атағы берілді (15.1.1944.). Сондай-ақ «Қызыл Жұлдыз» және 2-дәрежелі Отан соғысы ордендерімен марапатталды. Соғыстан кейін Кулебяев Алматы қаласында тұрды.[1]

Дереккөздер[өңдеу]

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х