Николай Захарович Шамота

Уикипедия — ашық энциклопедиясынан алынған мәлімет
Jump to navigation Jump to search

Шамота Николай Захарович (17.12.1916 ж. т., Полтава) - украин әдебиет зерттеушісі, сыншы, философия ғылымының докторы (1961), профессор (1962), УКСР ғылым академиясының академигі (1967) және оның төралқа мүшесі, Әдебиет, тіл және өнер тану бөлімшесінің академик-хатшысы (1966—71).

Ұлы Отан соғысына қатысқан. Нежинск педагогикалық институтын (1939), Украин КП ОК жанындағы партия мектебін (1948), КОКП ОК жанындағы қоғамдық ғылымдар академиясын (1953) бітірді. Республикалық «Литературная газетаның» бас редакторы (1948—50), УКСР ғылым академиясының Т. Г. Шевченко атындағы Әдебиет институтының директоры (1961 жылдан).

Еңбектері 1947 жылдан жариялана бастады. Шамота туындылары қоғамдық реализм теориясы мәселелеріне, қазіргі әдебиеттің идеялылығы мен халықтығына, көркемдігі мен партиялылығына, әдебиеттің коммунистік құрылықтағы рөліне арналған. Ол — жеке жазушылардың шығармашылығы жайлы моногр. еңбектердің де авторы. Шамота кітаптары КСРО халықтары мен шетелдердің көптеген тілдеріне аударылды.

8—9-сайлау КСРО Жоғарғы Кеңесінің депутаты.[1]

Дереккөздер[өңдеу]

  1. Қазақ Ұлттық энциклопедиясы