Николай Иванович Меркушкин

	Николай Меркушкин; Кола Меркушкин
	; Меркушкин, 2014 жыл
Лауазымы
25 қыркүйек 2017 жылдан бастап
Президент	Владимир Путин
Ізашары	лауазымы құрылды
12 мамыр 2012 — 25 қыркүйек 2017; (м. а. 4 маусым – 23 қыркүйек 2014)
Президент	Владимир Путин
Ізашары	Владимир Артяков
Ізбасары	Дмитрий Азаров
22 қыркүйек 1995 — 10 мамыр 2012
Президент	Борис Ельцин; Владимир Путин; Дмитрий Медведев; Владимир Путин
Ізашары	лауазымы құрылды;; Василий Гуслянников; (Мордовия Президенті ретінде); Николай Бирюков; (Мордовия Жоғарғы Кеңесінің төрағасы ретінде);
Ізбасары	Владимир Волков
24 қаңтар — 25 қыркүйек 1995
Өмірбаяны
Партиясы	Біртұтас Ресей
Білімі	Мордовия мемлекеттік университеті
Дүниеге келуі	5 ақпан 1951 (75 жас); Новые Верхиссы, Инсар ауданы, Мордва АКСР, РКФСР, КСРО
Жұбайы	Таисия Меркушина
Балалары	2
Қолтаңбасы
Николай Меркушкин Ортаққорда
	өңдеу

Николай Иванович Меркушкин (орыс. Николай Иванович Меркушкин, мокш. Кола Меркушкин; 5 ақпан 1951 жыл, Инсар ауданы, Мордва АКСР) — ресейлік саясаткер, 2012 жылдан 2017 жылға дейін Самара облысының губернаторы, 1995 жылдан 2012 жылға дейін Мордовияның басшысы.

Біртұтас Ресей партиясының мүшесі болған Меркушкин бұрын, 1995 жылғы қаңтардан қыркүйекке дейін Мордовия Мемлекеттік Жиналысының төрағасы еді. 2017 жылғы 25 қыркүйектен бері ол — Ресей президенті Владимир Путиннің Фин-угор халықтарының дүниежүзілік конгрессіндегі өкілі.

Ерте жылдары

Меркушкин 1951 жылғы 5 ақпанда, Кеңестік Мордовияның Новые Верхиссы ауылындағы көпбалалы отбасыда туған.^[1] Ұлты — мордва-мокша.

1973 жылы еңбек жолын колхоздағы механизатор ретінде бастады. Сол жылы, оған қоса, Н. П. Огарёв атындағы Мордовия мемлекеттік университетіндегі оқуын бітіріп, электртехника инженері болды да, университет БЛКЖО комитетінің хатшысы болып сайланды.^[1]

Саяси мансабы

1977 жылы Мордовия облыстық БЛКЖО комитетінің хатшысы, 1979 жылы екінші хатшысы, 1982 жылы бірінші хатшысы болып сайланды. 1986 жылы Меркушкин КОКП Теньгушево ауданы комитетінің бірінші хатшысы болып сайланды. 1990 жылы ол бұл аудандағы Халық депутаттар кеңесінің төрағасы болса, 1990 жылы РКФСР Коммунистік партиясы мордовиялық комитетінің екінші хатшысы болды.

1990 жылғы қазанда Мордва АКСР Жоғарғы Кеңесінің төрағалығына сайланбақ болды, алайда Николай Бирюковқа жеңілді. Кейін өзін Мордовия Президенттігіне ұсынды, алайда сайлаудың екінші айналымына өтпей қалды.

КСРО ыдырауынан кейін бірнеше жергілікті лауазымға ие болған Меркушкин 1994 жылғы 27 қарашада Мордовия Мемлекеттік Жиналысының 37-сайлау округінен депутаты болып сайланды. 1995 жылғы 24 қаңтардан бастап ол жиналысқа басшылық ететін болды.

Жалпы дауыстың 80% жинаған Меркушкин Мордовия басшысы болып 1998 және 2003 жылдары сайланды. 2012 жылғы 10 мамырда ол Самара облысының губернаторы болып тағайындалу мақсатымен отставкасын жариялады.^[2] 2017 жылғы 25 қыркүйекте ол қызметтен босатылды.^[3]

Өз өмірі

Николай Меркушкин дәріхана бұрынғы меңгерушісі Таисия Степановна Меркушкинаға (1960 жылы туған) үйленген.^[4]^[5] Екеуінің белгілі екі ұлы бар.^[4]

Дереккөздер

1 2 Хахалин, Роман Смотрите, кто пришел. Понедельник. (14 мамыр 2012). Тексерілді, 4 ақпан 2017. Мұрағат көшірмесі 4 ақпанның 2017 Wayback Machine мұрағатында
↑ Меркушкин, Николай Иванович (орыс.). tass.ru. Тексерілді, 27 сәуір 2025.
↑ Уволен губернатор Самарской области Николай Меркушкин (орыс.). meduza.io. (25 қыркүйек 2017).
1 2 Голунов, Иван Высокопоставленные наследники – 2 (орыс.). Slon.ru. (13 қаңтар 2011). Тексерілді, 15 қараша 2013. Мұрағат көшірмесі 23 қазанның 2013 Wayback Machine мұрағатында
↑ Кто вы, Николай Меркушкин?. Тексерілді, 16 тамыз 2014. Мұрағат көшірмесі 6 қазанның 2014 Wayback Machine мұрағатында

[hahalin-1] 1 2 Хахалин, Роман Смотрите, кто пришел. Понедельник. (14 мамыр 2012). Тексерілді, 4 ақпан 2017. Мұрағат көшірмесі 4 ақпанның 2017 Wayback Machine мұрағатында

[2] Меркушкин, Николай Иванович (орыс.). tass.ru. Тексерілді, 27 сәуір 2025.

[3] Уволен губернатор Самарской области Николай Меркушкин (орыс.). meduza.io. (25 қыркүйек 2017).

[slon-4] 1 2 Голунов, Иван Высокопоставленные наследники – 2 (орыс.). Slon.ru. (13 қаңтар 2011). Тексерілді, 15 қараша 2013. Мұрағат көшірмесі 23 қазанның 2013 Wayback Machine мұрағатында

[autogenerated1-5] Кто вы, Николай Меркушкин?. Тексерілді, 16 тамыз 2014. Мұрағат көшірмесі 6 қазанның 2014 Wayback Machine мұрағатында

[1]

[2]

[3]

[4]

[5]