Нина Сергеевна Смирнова

Нина Сергеевна Смирнова(29 маусым 1908, Ульянов облысы Дмитровград қаласы – 5 ақпан 1978, Алматы) — әдебиет зерттеушісі, филология ғылымдарының докторы (1951), профессор (1953), Қазақстан ҒА академигі (1956).

Өмірбаяны

• ММУ-ды (1929), оның аспирантурасын (1939) бітірген.
• 1939 жылдан ҚазПИ-де (қазіргі Абай атындағы Қазақ ұлттық педагогика университеті) оқытушы, кафедра меңгерушісі
• 1945 жылдан Қазақстан ҒА Әдебиет және өнер институтында аға ғылыми қызметкер болды.

Ғылыми еңбектері

Ғылыми-зерттеу еңбектері қазақ фольклортану ғылымы мәселелеріне:

• қазақтың ауызша тараған поэтикалық шығармаларының тарихи даму жолдары
• эпос
• айтыс
• қазақ ауыз әдебиетінің басқа жанрлары
• фольклор
• жазба әдебиеттің байланысы мәселелеріне
• қазақ фольклортану тарихына, т.б. арналған.

Шығармалары

• “Қазақ әдебиетінің тарихы” (1-т., 1968)
• “Қазақ фольклористикасы” (1972), т.б. еңбектерді шығаруға атсалысқан.
• М.Әуезовпен бірге эпикалық туындылардың (“Қамбар батыр”, “Қозы Көрпеш – Баян Сұлу”, “Алпамыс батыр”, “Қыз Жібек”) ғылыми басылымдарына басшылық жасаған.
• Жамбыл шығармалары туралы зерттеу еңбегін, Қазақстандағы орыс мектептері үшін қазақ әдебиеті оқулықтарын (М.Сильченкомен бірге, 1970)
• қазақ ауыз әдебиеті жөнінде бағдарламалар, ауыз әдебиетін жинау жөнінде әдіснамалық нұсқаулар жазған.
• Очерки казахской литературы XVІІІ века, А., 1951;
• Казахская народная поэзия, 1967.