Нишу дулу хан

Уикипедия — ашық энциклопедиясынан алынған мәлімет
Навигацияға өту Іздеуге өту

НИШУ ДУЛУ ХАН – 633 – 634 ж. Батыс Түрік қағанатының бесінші ханы, Ашина әулетінің өкілі, Істеми ханның ұрпағы. Шығу тегі мынадай: Істеми хан – Қара Шор Түрік – Ян Саух хан – Бага шад – Нишу Дулу хан. 633 ж. Ирбис Болун Жабғы хан жергілікті Нушиби тайпаларынан қолдау таппай, ордадан кетіп қалуға мәжбүр болады. Осы кезден бастап Батыс Түрік қағанатының Жетісудағы тайпалары Ашина әулетінің билігін сақтай отырып, ханды өздері таңдап, сайлай бастайды. Кезінде Ирбис Болун Жабғы ханнан Қарашар аймағына қашып кеткен Нишуді Нушиби тайпасының бектері шақырып, хан сайлайды. Жаңа хан Н. Д. х. деген титул алады. Жаңа ханның Дулу хан деген титулы – дулу тайпаларының да оны қолдағанын көрсетсе керек. Н. Д. х. тақта бір ғана жыл отырады. Оның жүргізген саясаты жөнінде деректер жоқ. Ол тек бір ғана мәселені – хан тағына мұрагерлік жолмен отыруды шеше алады. Өзінің туған інісі Тонг-шадқа хан тағын дәстүр бойынша қалдырады да, 634 ж. қайтыс болады. Б. Кәрібаев

Сілтеме[өңдеу | қайнарын өңдеу]

Б. Кәрібаев

Дереккөздер[өңдеу | қайнарын өңдеу]

"Қазақ Энциклопедиясы"