Нодар Владимирович Думбадзе

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Думбадзе Нодар Владимирович (14.07.1928, Грузия, Тбилиси — 14.09.1984, сонда) — грузин жазушысы. Тбилиси университетін бітірген (1950). 1950 — 73 жылдары осы университеттің экономика кафедрасында қызмет істеген. Кейін Грузияның жастар журналында әдеби қызметкер, “Грузияфильм” киностудиясында алқа мүшесі, “Нианги” сатиралық журналының бас редакторы болған. 1973 — 84 жылдары Грузия Жазушылар одағы басқармасының хатшысы, төрағасы болды. Шығармалары 1948 жылдан жариялана бастады. Алғашқы әңгімелер жинағы “Ауыл баласы” 1958 жылы жарық көрді. “[[Мен, әжем, Илико мен Илларион” повесі (1960), “Күн сөнбесін” романы (1962; Ленин комсомолы сыйлығы, 1967) грузия аулының Ұлы Отан соғысы жылдарындағы ауыр кезеңін суреттеуге арналған. “Түнде түскен күн сәулесі” (1967), “Алаң болма, апа” (1971) романдарына өз заманындағы жастар өмірі арқау болған. “Ақ жалаулар” (1973; Грузияның Мемл. сыйлығы, 1975), “Мәңгілік заңы” (1978; Лениндік сыйлығы, 1980) романдарында адам сезімінің нәзік қырларына терең бойлай білді. Думбадзенің “Мен, әжем, Илико мен Илларион” (1972) повесі, “Алаң болма, апа” (1977) романы, “Нұрлы түн” шығармалар жинағы (1987) қазақ тілінде жарық көрген.

Дереккөздер[өңдеу]

Қазақ энцклопедиясы