Нығмат Хамитұлы Жақыпбаев

Нығмат Хамитұлы Жақыпбаев 1953 жылы 24 сәуірде Қостанай облысы Қарасу ауданы Қарасу ауылында туған. Қазақ. Әкесі - Жақыпбаев Хамит, марқұм. Анасы - Жақыпбаева Қайни Асқарқызы, марқұм. Троицк ветеринарлық институтының ветеринарлық факультетін (1977) бітірген, мал дәрігері. Ветеринария ғылымдарының кандидаты (1996), докторы (2010). Докторлық диссертациясының тақырыбы: «Жануарлардың псориазы және Қазақстанда күрес шаралары». «Жабайы ет қоректілердің псороптозы» монографиясының (2001), 32 мақаланың авторы. 1977 жылдан - Қостанай облысы «Калин» кеңшарының мал дәрігері. 1978 жылдан - Қостанай облысы Ленин ауданы «Калин», К. Маркс атындағы кеңшарлардың бас мал дәрігері. 1993 жылдан - Қостанай облысы Республикалық экспедиция басқармасының бас мал дәрігері. 1996 жылдан - Қостанай қаласы ветеринарлық стансасының бастығы. 1997 жылдан - Қостанай облысы Ветеринария комитетінің төрағасы. 1999 жылдан - ҚР Ауыл шаруашылығы министрлігінің Агроенеркәсіптік кешен Мемлекеттік инспекция комитетінің Ветеринария департаменті ветеринария белімінің бастығы; Ветеринария басқармасының бастығы; 2002 жылдан - ветеринарлық-санитарлық қауіпсіздік басқармасы бастығының орынбасары. 2008 жылдан - Солтүстік Батыс аймақтық шекарада және көлікте мемлекеттік ветеринарлық бақылау инспекциясының бастығы. 2010 жылдың наурызынан - Астана қаласы бойынша ҚР Ауыл шаруашылығы министрлігі Агроөнеркәсіптік кешенінің Мемлекеттік инспекция комитеті аумақтық инспекциясының бастығы. 2010 жылдың шілдесінен бері - ҚР Ауыл шаруашылығы министрлігі Агроенеркәсіптік кешенінің Мемлекеттік инспекция комитеті терағасының орынбасары. Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Заң бәрінен жоғары туратын гүлденген мемлекет». Хоббиі - спорт. Сүйіп оқитын әдебиеті - тарихи әдебиет. Үйленген. Жұбайы - Жақыпбаева Күләш Бақытжанқызы. Қыздары -Жақыпбаева Гүлзира Нығматқызы, Жақыпбаева Гүлжан Нығматқызы.