Нұрбол Болатұлы Баймұқанов

Нұрбол Болатұлы Баймұқанов
Дүниеге келгені:	1976 наурыз Ақтөбе қаласы

Нұрбол Болатұлы Баймұқанов 1976 жылы 8 наурызда Ақтөбе қаласында туған. Қазақ. Әкесі - Баймұқанов Болат Шағырбайұлы, филолог. Анасы - Баймұқанова Нұрсұлу Дауылтайқызы, медицина қызметкері. Қазақ құқықтану және халықаралық қатынастар институтыныңзаң факультетін (2001) «Құқықтану» мамандығы бойынша; Ш. Есенов атындағы Ақтау мемлекеттік университетінің экономика және кәсіпорындардағы басқару факультетін (2005) экономист мамандығы бойынша бітірген. Қазақ, орыс, ағылшын (базалық) және түрік тілдерін біледі. «Нұр Отан» ХДП мүшесі (2005 жылдан). 1992 жылдың наурызынан - Ақтау «Ақ бөбек» аяқ киім фабрикасының 1-ші санатты аяқ киім жинаушысы. 2001- 2005 жылдары - Маңғыстау облысы әкімдігінің жанындағы Ақтау қаласы «Жастар бастамаларын қолдау облыстық орталығы»' МКҚК директоры. 2006 жылдың мамырынан - Алматы қаласы Мемлекеттік жастар саясатын дамыту қорының директоры. 2009 жылдың наурызынан 2010 жылдың қаңтарына дейін - Алматы қаласы Жастар саясаты мәселелері жөніндегі басқарма бастығы. Ақтау облыстық мәслихатының 2-ші, 3-ші шақырылымдарының депутаты (1999, 2003); Заңдылық, құқық тәртібі, депутаттық өкілеттіктер мен этика мәселелері жөніндегі комиссияның хатшысы; Әлеуметтік мәселелер жөніндегі комиссияның мүшесі. Маңғыстау облыстық «Қазақстанның болашағы үшін» жастар қоғамдық бірлестігінің төрағасы (2000). Қазақстан Халқы ассамблеясының мүшесі (2001-2003), ҚР Үкіметі жанындағы Жастар істері жөніндегі кеңесінің мүшесі (2001, 2008); Қазақстан жастар конгресі мен халықаралық «Каспий - достық төңізі» жастар фестивалін өткізу жөніндегі үйымдастыру комитеті төрағасының орынбасары (2001); «Маңғыстау жастарының ынтымақты тобы» қауымдастығының төрағасы (2003); Республикалық «Қайсар» жастар қоғамдық-саяси қозғалысының төрағасы (2005), «Жас Отан» жастар қанаты қалалық кеңесінің төрағасы (2007-2008). «Дарын» сыйлығының (2004), Қазақстан жастар конгресінің «2005 жылдың Жастар көшбасы» номинациясындағы лауреаты. «Қазақстан Республикасының тәуелсіздігіне 10 жыл» (2001), «Қазақстан Парламентіне Южыл» (2006), «Астананың 10 жылдығы» (2008) медальдарымен марапатталған. Діни көзқарасы - ислам. Саяси қайраткер ретіндегі идеалы - М.К. Ататүрік, Н.Ә. Назарбаев. Қазақстанның болашағы туралы болжамы - «Жоғарғы деңгейде өмір сүретін халқы бар дамыған, өркендеген мемлекет». Хоббиі - оқу, шахмат, атпен серуендеу, тау шаңғысы, фотография. Сүйіп оқитын әдебиеті - классикалық орыс әдебиеті. Бойдақ.