Нұретдин Қадыров

Уикипедия — ашық энциклопедиясынан алынған мәлімет
Навигацияға өту Іздеуге өту
Нуретдин Кадыров
Туған күні

15 ақпан 1915 (1915-02-15)

Туған жері

Таза-Ярмыш ауылы, Ташауз ауданы, Хиуа хандығы, Түркістан генерал-губернаторлығы, Ресей империясы

Қайтыс болған күні

10 шілде 1988 (1988-07-10) (73 жас)

Қайтыс болған жері

Калининск (кәзіргі - Болдумсаз), Калининск ауданы, Ташауыз облысы, Түрікмен КСР

Мемлекет

Ресей Ресей Империясы,  КСРО

Әскер түрі

жаяу әскер

Қызмет еткен жылдары

19411943

Атағы

кіші сержант

Қызметі

1144 атқыштар полкінің саперлік взвод бөлімшесінің командирі

Шайқасы

Ұлы Отан соғысы

Марапаттары

Қызыл Жұлдыз Ордені

Нұретдин Қадыров (15 ақпан 1915 жыл - 12 шілде 1988 жыл) — Ұлы Отан соғысының жауынгері. Кіші сержант. 340 атқыштар дивизиясы 1144 атқыштар полкінің саперлік взвод бөлімшесінің командирі.

Өмірбаяны[өңдеу | қайнарын өңдеу]

Нуретдин Кадыров 1915 жылдың 15 ақпанында Ресей империясының бодандығындағы Хиуа хандығының Таза-Ярмыш ауылында (кәзіргі — Дашогуз велаятының С. А. Ниязов атындағы этрабы) қазақ отбасында дүниеге келді. Жас шағынан арабша, парсыша хат танып, молдадан білім алған. Соғыстан бұрын ауылда бастауыш білім ұстазы болып жұмыс атқарған. 1941 жыл Ташкент қаласына әскерге шақырылып, Қызыл Әскер құрамына қабылданды. Сол жерден 1942 жыл соғысқа аттандырылды. Ұлы Отан соғысының қатысушысы. 340 атқыштар дивизиясының 1144 атқыштар полкының құрамында болып, 1941-1943 жылдар аралығында Воронеж-Ворошиловград және Валуйск-Россошан қорғаныс, және де Воронеж-Харьков, Острогожск-Россошан, Воронеж-Касторнен, Харьков, Белгород-Харьков, Белгород-Богодухов шабуыл операцияларына қатысты. Урыв ауылы мен Острогожск қаласының маңында ерлікпен айрықша көзге түсті. 1943 жыл ауыр жарақаттан госпитальге және ары қарай толықтай ем алу үшін Батуми (Грузия) қаласындағы шипажәйға жіберілді. Алған жарақаттарына байланысты әскерге жарамсыз деп танылып, емнен соң демобилизацияға ілінді. Урыв ауылының және Острогожск қаласының маңындағы көрсеткен ерлігі үшін Қызыл Жұлдыз Орденімен марапатталды. Соғыстан кейін Түрікмен КСР-ның Ташауз облысының Калининск ауданына қарасты Калининск кентінде өмір сүріп, жұмыс істеді. 1988 жылдың 12 шілдесінде қайтыс болды.

Марапаттары[өңдеу | қайнарын өңдеу]

  • 1943 жыл Қызыл Жұлдыз Орденімен марапатталды.
  • Тағы да II дәрежелі Ұлы Отан соғысының ордені, «1941-1945 жж. Ұлы Отан соғысындағы Жеңістің 20 жылдығы», «1941-1945 жж. Ұлы Отан соғысындағы Жеңістің 25 жылдығы», «1941-1945 жж. Ұлы Отан соғысындағы Жеңістің 30 жылдығы», «1941-1945 жж. Ұлы Отан соғысындағы Жеңістің 40 жылдығы» және т.б. медальдармен марапатталды.