Нұржан Нұрланбекұлы Нұрсипатов
| Нұржан Нұрланбекұлы Нұрсипатов | |
 | |
| Туған күні | |
|---|---|
| Туған жері |
Баршатас ауылы, Аягөз ауданы, Семей облысы |
| Азаматтығы | |
| Білімі |
КСРО Мемлекет қауіпсіздік қорғау комитетінің Жоғарғы курстары, Қарағанды мемлекеттік университеті |
| Партиясы | |
Нұржан Нұрланбекұлы Нұрсипатов (17 мамыр 1957 жылы дүниеге келді) - Павлодар облысынан сайланған Қазақстан Республикасы Парламент Сенатының депутаты (2017 жылдан бері). Ұлттық қауіпсіздік генерал-майоры.
Өмірбаяны[өңдеу | қайнарын өңдеу]
Абақ Керей тайпасының Жастабан руынан шыққан.[1]
КСРО Мемлекет қауіпсіздік қорғау комитетінің Жоғарғы курстарын, Қарағанды мемлекеттік университетін бітірген.
Еңбек жолы:
- Аягөз аудандық бөлімі және Семей облысы бойынша Мемлекеттік қауіпсіздік комитеті басқармасының жедел уәкілі, аға жедел уәкілі;
- Қазақстан Республикасы Ұлттық қауіпсіздік комитетінің Орталық аппараты қарсы барлау, кадр, ақпараттық талдау, барлау, инспекторлық бөлімшлерінде бөлім бастығының орынбасары, бөлім бастығы, басқарма бастығының орынбасары, басқарма бастығы, қызмет бастығының орынбасары, Департаменті бастығының орынбасары (1982-2006 жж. Алматы, Астана қалаларында).
- Семей қаласы бойынша Ұлттық қауіпсіздік комитеті басқармасының бастығы (2006-2007жж.);
- Шығыс Қазақстан облысы бойынша Ұлттық қауіпсіздік комитеті Департаменті бастығының бірінші орынбасары (2007-2013 жж.);
- Павлодар облысы бойынша Қазақстан Республикасы қауіпсіздік комитеті Департаментінің бастығы (2013-2017 жж.).
Шығыс Қазақстан облысы Аягөз ауданының Құрметті азаматы.
2017 жылдан бастап – Павлодар облысынан сайланған Қазақстан Республикасы Парламент Сенатының депутаты[2].
Нұржан Нұрсипатов келесі халықаралық парламенттік ұйымдардың және Парламент Сенатының шет мемлекеттер парламенттерімен ынтымақтастық топтарының құрамына кіреді:
- Еуропадағы қауіпсіздік және ынтымақтастық ұйымының Парламенттік Ассамблеясы,
- Ұжымдық қауіпсіздік шарты ұйымының Парламенттік Ассамблеясы,
- Орталық және Шығыс Еуропа елдерімен ынтымақтастық жөніндегі топ.
«Нұр отан» партиясы жанындағы Жемқорлыққа қарсы іс-қимыл жөніндегі Республикалық Қоғамдық кеңесінің мүшесі, сонымен қатар «Атамекен» Қазақстан Республикасы Ұлттық кәсіпкерлік палатасының Кәсіпкерлер құқығын қорғау және сыбайлас жемқорлыққа қарсы іс-қимыл кеңесінің мүшесі.
Дереккөздер[өңдеу | қайнарын өңдеу]
- ↑ ШАҚАНТАЙ ШЕЖІРЕСІ( төртінші басылым ) | Kerey.kz/Керей.кз. Тексерілді, 16 қараша 2020.
- ↑ ЦИК подвела итоги выборов депутатов Сената Парламента РК (29 маусым 2017). Тексерілді, 10 қыркүйек 2019.
