Нұрикамал (фильм, 2024)
 | Бұл мақала әлі тексерістен өтпеді. Тексерілмеген мақалалардағы мәліметтер сенімсіз болуы мүмкін.
|
 | Бұл мақаланы Уикипедия сапа талаптарына лайықты болуы үшін уикилендіру қажет. |
 | Өтініш, осы бөлімді толықтырыңыз. |
| Нұрикамал | |
| Жанры | |
|---|---|
| Режиссёрі | |
| Продюсері |
Жандос Божаев |
| Операторы |
Жанат Амирали |
| Композиторы |
Олжас Далелхан |
| Кинокомпания |
«SulpakCinema» |
| Ұзақтығы |
100 |
| Мемлекет | |
| Тілі | |
| Шыққан жылы | |
«Нұрикамал» — 2024 жылғы қазақстандық фильм.
Сюжеті
[өңдеу | қайнарын өңдеу]Жас композитор Тұрдықылыш Ізтаев 1988 жылы шығармашылық дағдарысқа тап болады. Ол өзінің өмірі, отбасына, балаларына және тұрақты жұмысына қарамастан, мағынасын жоғалтқанын сезеді. Бір кездері оған шабыт беріп, жанын қуанышқа толтырған музыка қазір бос және мағынасыз болып көрінеді. Әйелі Ханбибі Есенқарақызы, белгілі ақын, оны қолдауға тырысып, тауда демалуға шақырады. Бірақ бұл демалыс Ханбибі үшін сынаққа айналды: Сүйікті әйелі, сүйкімді қыздары бар композитор Тұрдықылыш, Ақмоладан келген жас Нурикамал есімді сұлуға ессіз ғашық болып, тарихта қалатын ән жазуға кіріседі. Ханбибі бұл жағдайды қызғанышпен бақылайды және оның алдында қиын таңдау — күйеуіне шабыт беру немесе отбасын құтқару болды.[1][2][3][4]
Пікірлер
[өңдеу | қайнарын өңдеу]Белгілі баспагер Бақытжан Бұқарбай :
- «Үш баланың әкесі Нұрикамал есімді жас қызға ғашық болыпты. Менің ойымша, бұл отбасыдағы дұрыс емес қарым-қатынас. Қазақтар, сендерге не болды? Өз басым ерлердің бұндай әрекетін сатқындық деп санаймын. Ер адам әйелі мен балаларының алдында жауапты болуы керек. Сондықтан ондай адамдарды түсінбеймін».
Журналист Гүлзина Бектасова:
- Өнер бәрінен биік екенін айтқысы келгенін түсіндік, бірақ бұл фильмге де өнер туындысы деп қарау керек еді.
Журналист, тележүргізуші Сәуле Әбілдаханқызы
- «Нұрикамал» әнін, өлеңін, тарихын, Ханбибі феномені мен Тұрдықылыш сезімін түсіну үшін үлкен жүрек, терең сана керек деп есептейді. «Сосын махаббатқа сеніп өзіңді сол жолда құрбан ете алған тағдырың болу керек... бәрін материямен өлшейтіндер және қазақтың ұлттық болмысын, мінезін, тағдырын, тарихын терең білмейміндер ол әңгімені де, оқиғаны да, киноны да, мінезді де, тағдырды да түсінбейді.-депті
Ханбибі Есенқарақызы
- «Бұл жерде мен әйелдіктен гөрі ақындықты, өнерді жоғары қойдым. Абай «Көңілге түрлі ой салар, жақсы ән мен тәтті күй» демей ме? Біз осы сөздің қадіріне әлі жетпедік. Жақсы ән ой салды. Сондықтан мәтінін жазып беруге тура келді. Әрине, бұл маған да оңай болды деп айта алмаймын. Десе де ән ауға түскен балықтай, торға түскен құстай бұлқынып тұрды. Себебі сөзі жоқ болған соң шықпай тұр. Сөзін жазып бергенім үшін кінәлі емес шығармын», - деді Ханбибі Есенқарақызы.
Ернат Байұзақ, режиссер:
– Барып алдынан өтіп сұқбаттасып кездесіп ақылдасып, батасын алып, содан кейін барып сценарий жазуға кірістік. Ол кісінің ол жеке оқиғасы, өмірде болған оқиғасы. Сазгерге ән, ақынға жыр болған Нурикамал образын Фариза Ескермес сомдайды. Актриса танымал жанды ойдағыдай алып шығу үшін Нурикамал Сейітжанованың медиа мұрағаттағы көзі тірісінде берген барлық сұқбаттарын көріп шығыпты.
Фариза Ескермес, актриса:
- Сюжет желісі бойынша ақын Ханбибі Есенқарақызы шығармашылық тоқырауға ұшырап, күйзелісте жүрген сазгер жарын шабыттандыру үшін тау бөктеріне демалысқа апарады. Алайда композитор жүрегі шабытты таза ауа мен әсем табиғаттан емес, мәдениет қызметкері Нурикамал сұлудың бойынан тауып, нәзік болмысын жаңа әнге арқау етеді. Сазгер Ізтаевты Олжас Дәлелхан сомдайды.
Олжас Дәлелхан, актер:
- Шығармаларын үйренуге тура келді, классикалық шығармалар ғой. Өйткені кадрда соны ойнап отыратын жерлері бар.
Басты рөлге түсірілімге 2 апта қалғанда бекітілген Дәлелхантегі фильмдегі барлық композицияны өзі орындаған екен. Күйсандықта да ойнай алуы Олжасқа үлкен көмегін тигізген. – Түсірілім тобындағы адамдардың кейбіреуіне тосынсый болды менің пианинода ойнайтыным. «А-а-а ойнай алады екен ғой» деген сияқты. Бұл фильмге мен 1-ші класымнан бері дайындалып келе жатырмын деп айтсам болады, өйткені бірінші сыныпта алғаш рет пианиноға барғам.
Муза демекші, Нурикамалды хас сұлу етіп жарының көзіндегіні өзінің сөзімен жеткізген ақын Ханбибі Есенқарақызын Гүлбаһрам Байбосынова сомдады. «Кейіпкерім даналықтың символы, пәк өнерге бас иген жан» дейді.
Жұбаныш Жексенұлы, ҚР Еңбек сіңірген қайраткері:
-Іштей қобалжу бар, шіркін-ай менің көңілімнен шықса екен деген. Көптеген біздің аналарымызға қыздарға арналған әндердің, қыздарға әннен қойылған ескерткіштің біріне айналған ән деп айтсақ болады Нурикамалды.
Асанәлі Әшімов, КСРО Халық артисі, Қазақстанның Еңбек Ері
- «Бірақ бір жерінде айтарым, «Нурикамал Қамалым-ай» болуы керек. «Камалым-ай» емес, осы жерді ескерсін