Нұрлан Бегалыұлы Еспанов

Нұрлан Еспанов
	Нұрлан Еспанов
Негізгі ақпарат
Туған күні	28 наурыз 1973 (52 жас)
Туған жері	Арыс
Мемлекет	Қазақстан
Мамандықтары	әнші, композитор, аспаз, заңгер, экономист
Лақап аттары	Еспаниола

Нұрлан Бегалыұлы (28 наурыз 1973 жыл, Арыс қаласы) — Қазақстанның Мәдениет қайраткері, сазгер, әнші

Өмірбаяны

1973 жылы Нұрлан Еспанов Бегалыұлы 28 наурызда (бұрынғы ОҚО) Түркістан облысы Арыс қаласында дүниеге келген.

1980 жылы Арыс қаласындағы №376 бастауыш мектебінің табалдырығын аттады.

1984 жылы №11 ші мектепке ауысып, 8 ші сыныпқа дейін білім алды.

Мектеп қабырғасында жүріп, өнерін ұштап түрлі ән байқауларына қатысып топ жарды.

1985 жылы Арыс қаласындағы музыкалық мектепте қосымша бес жыл бойы білім алып, кәсіби домбырашы мамандығын алып шықты.

1991 жылы Кәсіптік техникалық училищеге оқуға түсіп, оны 1993 жылы “Аспаз” мамандығы бойынша тәмәмдап дипломын алды.

1993-1994 жылдары Арыс қаласындағы №9 орыс мектебінде музыка пәнінен сабақ берді. Сол жылдары №3 балабақшада балаларға музыка сүйемелдеушісі болып еңбек етті.

1996 жылы Арыс қаласындағы Мәдениет үйінде көркемдік жетекші болып жұмыс жасады.

1997-1999 жылдары Шымкент қаласындағы «Теміржолшылар» сарайында көркемдік жетекші.

2008 жылы 31 арнада «Жұлдызбен жүздесу» телебағдарламасын ашып, рейтингі ең жоғары бағдарлама ретінде көрерменге танытты. 2010 жылы Д.Қонаев атындағы университеттің Құқытану мамандығы бойынша білім алып, бакалавр академиялық дәрежесі берілді.

2011 жылы «Хабар» телеарнасында көрсетілген “Чемпион” бағдарламасын жүргізді.

2012жылы “Тұран” университетінде “Менджмент” мамандығын аяқтады.

2017-2018 жылдары «Той думан» бағдарламасындағы «Nurlan news» бағдарламасының авторы, тележүргізушісі.

Марапаттары

1998 жылы Облыстық «Арай» жас орындаушылар байқауының лауреаты.
1998 жылы Халықаралық «Шәмші Қалдаяқов» ән байқауының дипломанты.
1999 жылы Республикалық «Жас Қанат» ән байқауында «Хабар» агенттігінің төрайымы Дариға Нұрсұлтанқызы Назарбаеваның қолынан «Алтын Тұлпар» сыйлығының иегері.
2004 жылы Оңтүстік Қазақстан облысының ең үздік сазгері.
2006 ж. ОҚО сазгерлері арасында балаларға арналған әндердің «Балдәурен» облыстық байқауында 2-орын иегері.
2006 ж. «Қанатты барыс туралы аңыз», «Қошқар мен Теке» мультфильмдеріндегі әні үшін арнайы алғыс хатпен марапатталды.
2006 ж. «Юмакс» радиосының «Қазақ әндерінің» бағдарламасында «Халық дауысы» номинациясының иегері.
2006 жылы ҚР Мәдениет және Ақпарат министрлігінің «Мәдениет қайраткері» атағымен марапатталды.
2007 ж.«Бөбек» қорының ұйымдастыруымен өткен «Руханият» балаларға арналған әндер фестивалінде 3-орын иегері.
2009 ж. «Нұр Отан» ХДП, «Жас қанат» жастар қанатының алғыс хатымен марапатталды.
2010 ж. Қорғаныс министрлігіне қарасты Арыс гарнизонының 80-жылдық мерейтойының арнайы медалімен марапатталды.
2010ж. Қазақстан Республикасының Қарулы күштерінің 20 жылдығына арналған «Еркіндіктің қырандары» әні үшін арнайы төсбелгімен марапатталды.
2018 ж. Қазақстан республикасының тәуелсіздігіне 25 жылына арналған арнайы төсбелгімен марапатталды.
2018 ж. Арыс қаласының Құрметті азаматы
2021ж. «Түркістан облысына сіңірген еңбегі үшін» медалінің иегері
2023 ж. «Қоғам қайраткері» төсбелгісі
2023 ж. «Мәдениет майталманы» төсбелгісі

Елбасы Нұрсұлтан Назарбаевтың арнайы алғыс хатының иегері.

Жеке өмірі

Әкесі - Бегалы Еспанов, анасы Әлия Еспанова (әкесі 1948 жылы 1 наурызда, анасы 1949 жылы 19 қаңтарда туылған)

Бауырлары: Сматова (Еспанова) Зәмзәгүл - әпкесі, Еспанов Ерлан және Бекпатшаев Нұржан - інілері. 1994 жылы Арыс қаласында Жанар Наятуллақызы Еспановамен (Момбекова) отбасын құрып, некеден 3 қыз 1 ұл дүниеге келді. Ұлы : Олжас Еспанов, қыздары - Айгерім Бегалы, Мөлдір Еспан, Хадия Еспан.

Шығармашылығы

Әнші ретінде ең алғаш рет сахнада 17 жасында Арыс қаласында топ жарды. Тыңдармандарына бірінші есеп беру кешін 2006 жылы Арыс қаласындағы «Локомотив » стадионында Open Air форматында «Туған жерге» тағзым атты концертін берді.

2010 жылы Алматы қаласындағы Республика сарайында «Жан әке» атты шығармашылық кешін еліміздің танымал өнер жұлдыздарымен бірге өткізді.

2023 жылы Өмірбек Жолдасбеков атындағы «Студенттер сарайында» «Ән мен әзіл» атты концерті көрерменнің көңілінен шыққан кеш болды.

Нұрлан Еспановтың продюсері әрі өнері мен өмірдегі қолдаушысы туған бауыры - Ерлан Еспанов.

«Қазақстан», «НТК», «ЕлАрна», «КТК» телеарналарының әнұраны, «Хабар» телеарнасындағы «Таң қалмаңыз» бағдарламасының әнұраны, «Хабар» арнасының арнайы тапсырмасымен «Ақ шағала Астана» әндерінің авторы.

Сондай-ақ Балапан телеарнасындағы «Күлегештер», Хабар телеарнасының «Ду думан», «Айбын» бағдарламаларының әнұранының авторы. Хабар телеарнасының арнайы тапсырысымен қарулы күштерінің 20 жылдығына орай жазылған «Еркіндіктің қырандары» әнінің авторы.

Қазіргі таңда Оңтүстік өңірінде балаларға арналған бірнеше әндердің авторы. Атап айтқанда, «Қанатты барыс туралы аңыз», «Қошқар мен теке» мультфильмдерінің саундтрегі мен «Әліппе», «Кішкентай қайық», «Ертегілер елінде», «Күшігім».

Композитор-сазгер ретінде Нұрлан Абдуллин, Медеу Арынбаев, Мақпал Жүнісова, Маржан Арапбаева, Қарақат пен Қыдырәлі, Бейбіт Қорған, Айгүл Иманбаева, Мадина Садуақасова, Ақылбек Жеменей, «МузАрт» «НұрМұқасан», «Бақай», «ННБек», «KZ», «Style BR», «Дарын» топтары, Жазира мен Жанболат, Мэлс Сағатұлы, Нұрболат Абдуллин, Әбдіжаппар Әлқожа, «Алатау серілері» тобы, «Азия» тобы, Талғат Жорабаев, Әлішер Каримов, Мақсат Құрақбаев, Бауыржан Оспанов, Әлия Әбілқайыр, Дана Мақатаева, Нұржігіт Сүйіндіковтер орындайтын әндердің авторы.

Фильмографиясы

2012 жылы танымал режиссер Мұрат Бидосовтың детектив жанрындағы «Агент Z» киносында актер ретінде рөлін сомдады.
2013 жылы Қайрат Нұртастың «Өкініш» фильміне түсіп, аталмыш фильмнің саунтрегін жазды.
2019 жылы Астана телеарнасында көрсетілген «Келіндер» атты телесериалына түсті.
2023 жылы актриса Жұлдызай Дүйсенбиеваның «Вайн емес киносында» ойнады.
2024 жылы режиссер Мақсат Оспановтың «Биік сезім» атты туындысында басты рөлдердің бірін сомдады.
Жалпы 30 дан астам қазақ киносында актер ретінде рөлдерді ойнап шықты.

Дискография

«Жан әке», «Қыздар-ай», «Қос қарлығаш», «Кездер-ай», «Кел жаным», «Біз ғашық жандармыз», «Достарым», «Сұлу қыз»