Нұрлан Нұрқаұлы Ақпаров

Нұрлан Нұрқаұлы Ақпаров - 1959 жылы 12 ақпанда Алматы облысы ¥йғыр ауданының Үлкен Кетпен ауылында туған. Әкесі - Ақпаров Нұрқа, марқұм, бас бухгалтер болып жұмыс істеген. Анасы - Ахметова Рахилям, зейнеткер, әмбебап дүкен меңгерушісі болып жұмыс істеген. Алматы мемлекеттік медициналык университетінің педиатрия факультетін бітірген (1982), мамандығы «Педиатрия». Жалпы хирургия бойынша (Нью-Йорк қ., АҚІІІ, 2004), балалар колопроктологиясы бойынша (Цинцинати қ., АҚШ, 2006) машықтанудан өткен. Медицина ғылымдарының кандидаты (1997), докторы (2007). Докторлық диссертациясының тақырыбы: «Тоқ ішек қабырғасының гипоганглиозымен ауыратын балалардың созылмалы колостазын хирургиялық емдеудің патогенетикалық негіздемесі». 129 жарияланған ғылыми еңбектің, оның ішінде әдістемелік нұсқамалардың, журнал мақалалары мен ғылыми мақала жинақтарының авторы. 13 өнертабыс пен алдын ала берілетін патенттердің, 2 рационализаторлық ұсыныстың авторы. ¥йғыр, қазақ, орыс және ағылшын (сөздіктің көмегімен) тілдерін біледі. 1983 жылдан - Алматы облыстық балалар клиникалық ауруханасының дәрігері, балалар хирургі. 1990 жыл- дан - Алматы дәрігерлер білімін жетілдіру институтында кпиникалық ординатор. 1992 жылдан - Алматы облыстық балалар клиникалық ауруханасындағы балалар хирур- гиясы бөлімшесінің меңгерушісі. 1993 жылдан - Алматы облыстық денсаулық сақтау бөлімінің бас балалар хирургі. 1994 жылдан - ҚР Денсаулық сақтау министрлігі Педиатрия және балалар хирургиясы ғылыми орталығындағы балалар хирургиясы бөлімшесінің меңгерушісі. 2008 жылдан бері - ҚР Денсаулық сақтау министрлігі Педиатрия және балалар хирургиясы ғылыми орталығындағы балалар хирургиясы бөлімінің жетекшісі. «Педиатрия және балалар хирургиясы» мамандығы бойынша кандидаттық және докторлық диссертацияларды қорғау жөніндегі диссертациялық кеңестің мүшесі (2008 жылдан). Түрлі ғылыми форумдарға қатысқан (Ресей, АҚШ, Түркия, Испания). «Қазақстан Республикасы денсаулық сақтау ісінің үздігі» белгісімен марапатталған (2005). Қазақстан меценаттар клубының «Ильхам» сыйлығының республикалық сыйлығының (2008) лауреаты. Әскери атағы - запастағы аға лейтенант. Діни көзқарасы - мұсылман. Саяси қайраткөр ретіндегі идеалы - Д.А. Қонаев. Қазақстанның болашағы туралы болжамы - «Дамыған экономикалық мемлекет». Хоббиі - музыка. Сүйіп оқитын әдебиеті - ғылыми-танымал, медициналық әдебиет. Үйленген. Жұбайы - Илиева Дильбара (1960 ж. т.), бизнес орталығының әкімшілік директоры. Қызы - Ақпарова Саяра (1983 ж. т.), «Меркурий Сервис Компани» ЖШС заңгері, ұлы - Ақпаров Алмас (1988 ж. т.), UIB студенті.