Нұрлыбек Машбекұлы Нәлібаев

Нұрлыбек Машбекұлы Нәлібаев Қызылорда облысының әкімі. 1976 жылы 13 қазанда Қызылорда облысының Жаңақорған ауданында туған. Қоңырат тайпасы Жаманбай руы Қараша бұтағынан шыққан. Қазақ.

Өмірбаян[өңдеу | қайнарын өңдеу]

Әкесі - Нәлібаев Машбек Сапарбайұлы (1926-2004), «Өзгент» кеңшарының бригадирі және басқарушысы болып жұмыс істеген. Анасы - Нәлібаева Бибіш Нұрманқызы (1933-2004).

Қазақ мемлекеттік аграрлық университетін (1997) «Экономика және менеджмент» мамандығы бойынша; Қызылорда гуманитарлық заң университетін (2003) «Заңғылымы» мамандығы бойынша бітірген.

«Нұр Отан» ХДП мүшесі (2006 жылдан).

1997 жылдан - «Қазақойл-коммерция» ЖШС мұнай өндіру бойынша сарапшысы.

1998 жылдан - «Бұлақ» ЖШС директорының орынбасары.

1999 жылдан - «Стандарт Ойл Бейс» ЖШС директоры.

2001 жылдың наурызынан - «Стандарт Ойл» ЖШС директоры.

2001 жылдың кыгжуйегінен - «Станлаот Ойл Трейдинг» ЖШС директоры.

2002 жылдан - «Харрикейн Ойл Продактс» ЖАҚ Қызылорда филиалының директоры.

2002 жылдың қазанынан - «Қызылорда Мұнай Сервис» ЖШС бас директоры

2005 жылдың тамызынан - Қызылорда қаласы әкімінің орын- басары, қала әкімінің міндетін уақытша атқарушы.

2005 жылдың қазанынан - Қызылорда қаласы әкімінің орынбасары.

2007 жылдан - Қызылорда облысының әкімі аппаратының жетекшісі.

2008 жылдан бері - Қызылорда облысы Шиелі ауданының әкімі.

Қызылорда облысы Шиелі ауданындағы «Нұр Отан» ХДП филиалының төрағасы (2008 жылдан).

2013-2021 жж. – Қызылорда облысы, Қызылорда қаласының әкімі.

2021 жылғы 1 сәуірден бастап Қазақстан Республикасы премьер-министрі Кеңсесінің Өңірлік даму бөлімінің меңгерушісі.

2022 жылдың 7 сәуірінен бастап Қызылорда облысының әкімі^[1]

Әскери атағы - аға лейтенант. Діни көзқарасы - ислам. Қазақстанның болашағы туралы болжамы - «Еліміздің табысты дамуы үшін қажеттінің бәрі бар - ауқымды аумақ, бай минералдық ресурстар. Халыктың демографиялық дамуы, қазірде барынша қалпына келтіріліп жатқан қуатты өндірістік және ауылшаруашылық базасы».

Хоббиі - спорт (волейбол), домбыра шерту, ән айту, атқа салт міну, автомобильмен жылдам жүру. Сүйіп оқитын әдебиеті - тарихи және классикалық жанрлар.

Отбасы[өңдеу | қайнарын өңдеу]

Үйленген. Жұбайы - Сыздықова Мәлика Мұстафақызы. ¥лы - Машбек Назарбек Нұрлыбекұлы (2002 жылы туған); қыздары - Машбекова Айя Нұрлыбекқызы (2004 жылы туған), Машбекова Аруна Нұрлыбекқызы (2010 жылы туған).^[2]