Нұрғали Досымбекұлы

Нұрғали Досымбекұлы 1975 жылы 27 ақпанда Шымкент облысы Жетісай ауданы Ленин атындағы кеңшарында туған. Қазақ. Әкесі - Тұрлыбеков Досымбек (1918-1975), мал дәрігері болып жұмыс істеген. Анасы - Жүнісова Ұлқия (1928-1999), үй шаруасымен айналысқан. Мұхтар Әуезов атындағы Оңтүстік гуманитарлық университетінің мәдени-игілік қызметі факультетін бітірген (1996), оқытушы, орындаушы-аспапшы, оркестрдің және ұлттық аспаптар ансамблінің жетекшісі. Қазақ және орыс тілдерін меңгерген. Нұр Отан ХДП мүшесі (2005 жылдан). 1996 жылдан - Қожа Ахмет Йассауи атындағы Халықаралық қазақ-түрік университетінде оқытушы. 1999 жылдан - Мемлекеттік филармонияның әртіс-вокалисі (Астанада). 2005 жылдан бері - Астана қаласы Мемлекеттік филармониясының классикалық және эстрадалық вокал бөлімінің көркемдік жетекшісі. 2006 жылдан - қазақ ұлттық музыка академиясының «Өнер эстрадасы» кафедрасының эстрада вокалы оқытушысы. «Жас қанат» республикалық жас орындаушылар конкурсы 2-ші сыйлығының (1998), Ш. Қалдаяқов атындағы «Менің Қазақстаным» халықаралық фестивалі 1-ші сыйлығының (1998), «Жаһан дала» (Ақтау , 1999) және «Звезды белого месяца» халықаралық конкурстары 1-ші сыйлығының (Бурятия, 2003), Қазақстанның Жастар одағы сыйлығының (2003), «Астана - KZ» халықаралық конкурсы 1-ші сыйлығының (2007), «Песня огня» халықаралық этникалық эстрада конкурсы 3-ші сыйлығының (Хакасия, 2008), «Чешме» халықаралық конкурсы 2-ші сыйлығының (Түркия, 2009), «Восточный базар» халықаралық фестивалі 2-ші сыйлығының (Қырым, 2009), «Rzeszow Carpathia Festival» халықаралық конкурсының (Польша, 2010) лауреаты. «Шабыт» халықаралық шығармашылық жастар фестивалі (1999), «Урал моно» халықаралық түрік тілді ұлттар фестивалі (Башкирия, 2002), «Бриллианты России» халықаралық конкурсы (Мәскеу қаласы, 2009) Гран-при иегері. Алматы қаласы әкімінен ұлттық дәстүрлерді сақтағаны үшін «Алтын қобыз» арнайы сыйлығымен марапатталған (1998). «Азия дауысы» халықаралық фестивалінің (2000), «Ыстықкөл» халықаралық фестивалінің (Қырғызстан, 2002) дипломанты. «Золотой шлягер» халықаралық конкурсының «¥лттық дәстүрлерді сақтағаны үшін» арнайы дипломының иегері (Белоруссия, 2003). Діни көзқарасы - ислам. Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Ойдағыдай дамып келе жатқан мемлекет». Хоббиі - футбол. Сүйіп оқитын әдебиеті - Қазақстандық авторлардың шығармалары. Үйленген. Жүбайы - Тұрлыбекова Ботагөз Серікқызы, «Шалқыма» ұлттық би ансамбілінің солисі. Қыздары -Досымбекова Назым Нұрғалиқызы ( 2007 жылы туған), Досымбек Ақұлпа Нұрғалиқызы (2009 жылы туған).