Нұрғаным Байсейітова

Байсейітова Нұрғаным Бекенқызы, 1995 ж. Орал қ.

Байсейітова Нұрғаным Бекенқызы (8.3.1923, Бөкей ордасы ауданы — 9.9.1998,Орал) — қазақтың партизан қызы. Жәнібектегі балалар үйінде тәрбиеленіп, Оралдағы 4-қазақ орта мектебін (қазіргі 11-мектеп) бітірген. Орал радистер мектебі мен 3-Мәскеу арнаулы мектебін аяктағаннан кейін Белоруссияда (Могилев облысының Рублян ауданындағы Орша қ.) партизан отрядында радист болған. Кеңес Одағының Батыры, армия генералы С.Г. Жунин басқарған 8-бригада құрамында Варшаваға дейін барған. Соғыстан кейін Алматы театр-көркемөнер училищесін бітірді. Көп жыл бастауыш класс мұғалімі болды. «Қызыл Жұлдыз», 1 және 2-ші дәрежелі Отан соғысы ордендерімен, бірнеше медальмен марапатталған. Орал қаласындағы ол тұрған (Фурманов, 150) үйге мемориалдық тақта орнатылған.