Нұсқама

Нұсқама (Инструктаж) — жеке құрамды әскери қызметтің белгілі бір міндеттері мен қойылған міндеттерді орындауға дайындаудың түрі. Жоғары бастық немесе жоғары бастықтың тапсырған адамы түсіндіру, әңгімелесу, көрсету түрінде өткізеді. Нұсқама кезінде әскери қызметшілерге қойылған міндетті орындаудың реті мен жолдары ұғындырылады. Армияның күнделікті тәжірибесінде тәуліктік және гарнизондық нарядқа — қызметгі өткерудің ерекшеліктері бойынша, сабақ жүргізушілерге жауынгерлік дайындық бағдарламасы мен қолда бар оқулықтарға сәйкес, өтілетін сабақтардың әдістемесі бойынша, машиналардың жетекшілері мен жүргізушілеріне маршруттың ерекшеліктері туралы және қозғалыстағы қауіпсіздік шаралары туралы, іссапарға кететін команда бастықтарына міндетті орындаудың мақсаттары, тәртібі, мерзімі туралы, өзін-өзі ұстау ережелері және т.б.с.с туралы нұсқамалар өткізіледі.