Нәжмедин Түрікбенұлы Мұсабаев

Нәжмедин Түрікбенұлы Мұсабаев 1950 жылы 2 ақпанда Қызылорда облысы Қазалы ауданы Ақсуат ауылында туған. Қазақ. Әкесі - Түрікбен Мұсабайұлы (1912 жылы туған), ҰОС ІІ-топтағы мүгедегі, Қызылорда облысы Қазалы ауданы Сталин атындағы ұжымшарда бухгалтер, басқарушы, төраға болып жұмыс істеген. Анасы - Зиба Мұханқызы (1922 жылы туған), Қызылорда облысы Қазалы ауданы Сталин атындағы ұжымшарда жұмыс істеген. Қазақ химия-технологиялық институтының инженер-құрылыс факультетін (1971) инженер-құрылысшы-технолог мамандығы бойынша; Қазақстан менеджмент, экономика және жоспарлау институтын (1992) политолог, ЖОО-да әлеуметтік-саяси ғылымдардың оқытушысы мамандығы бойынша бітірген. «Ортаймаған Қазалы, қасиетті Қазалы» (1995), «Аралдың айбынды азаматтары» (2005), «Аралдың ардақты аналары» (2005), «Аралдың аққу жырлары» (2005), «Шүкіров шұғыласы» (2007), «Тәуелсіздікті ту еткен тұлғалар» (2008), Арал ауданына 80 жыл «Әлем таныған Арал» (2009) атты кітаптардың авторы. қазақ және орыс тілдерін біледі. «Нұр Отан» ХДП мүшесі. 1971 жылдан - қазақ химия-технологиялық институтының кіші ғылыми қызметкері, 1972 жылдан - аға ғылыми қызметкері (Шымкент қаласы). 1973 жылдан - «Қызылорда- жөндеусуқұрылыс» тресінің №64 Қазалы жылжымалы механикаландырылған колоннасының аға инженері, 1974 жылдан - аға инженер-экономисі. 1975 жылдан - Қызылорда облысы Қазақстан Компартиясының Қазалы аудандық комитетінің ұйымдастыру бөлімінің нұсқаушысы, 1977 жылдан - ауыл шаруашылығы бөлімінің нұсқаушысы. 1979 жылдан - «Облжөндеу құрылыс» тресінің жөндеу-құрылыс шаруашылық есеп айырысу учаскесінің бастығы (Жаңа Қазалы кенті). 1980 жылдан - «Қызылор- дажөндеусуқұрылыс» тресінің №64 Қазалы жылжымалы механикаландырылған колоннасының бастығы. 1983 жылдан - Қызылорда облысы Қазалы аудандық Халық депутаттары кеңесінің атқарушы комитеті төрағасының орынбасары. 1984 жылдан - Қызылорда облысы Қазақстан Компартиясы Қазалы аудандық комитетінің ауыл шаруашылығы бөлімінің меңгерушісі, 1986 жылдан -ұйымдастыру бөлімінің меңгерушісі, 1988 жылдан - екінші хатшысы. 1989 жылдан - Қызылорда облысы Қазалы аудандық Халық депутаттары кеңесінің атқару комитетінің төрағасы. 1991 жылдан - Қызылорда облыстық Халық депутаттары кеңесінің атқарушы комитеті төрағасының орынбасары. 1992 жылдан - Қызылорда облыстық әкімшілігі басшысының бірінші орынбасары. 1994 жылдан - Қызылорда облыстық әкімшілігі басшысының бірінші орынбасары - облыстық экономика басқармасының бастығы. 1995 жылдан - Қызылорда облысы Қазалы ауданының әкімі. 1997 жылдың сәуірінен - «Харрикейн Құмкөл Мұнай» АҚ президентінің кеңесшісі (Қызылорда қ.). 1997 жылдың қазанынан - Қызылорда қаласы әкімінің бірінші орынбасары - Қызылорда арнайы экономикалық аймағының әкімшілік кеңесі төрағасының орынбасары. 1999 жылдан - Қызылорда қаласы әкімінің бірінші орынбасары. 2000 жыл- дан - Қызылорда облысы Жаңақорған ауданының әкімі. 2004 жылдан бері - Қызылорда облысы Арал ауданының әкімі. Қазақстан Журналистер одағы сыйлығының лауреаты (1997). «Құрмет» орденімен (2006), «Ерен еңбегі үшін» (2001), «Қазақстан Парламөнтіне 10 жыл» (2006) медальдарымен, «Қазақстанның құрметті құрылысшысы» (2008) құрмет белгісімен марапатталған. Әскери атағы - запастағы подполковник. Діни көзқарасы - ислам. Саяси қайраткер ретіндегі идеалы - М.К. Ататүрік, Ф. Рузвельт, У. Черчилль. Қазақстанның болашағы туралы болжамы - «Дамыған, өркениетті, бүкіл әлемге танымал тәуелсіз Қазақстан». Хоббиі - туризм, балық аулау, аң аулау. Сүйіп оқитын әдебиеті - проза, поэзия, публицистика. Үйленген. Жұбайы - Өтемұратова Лида Ағжапқызы (1949 жылы туған), зейнеткер. Ұлдары - Мұсабаев Еркінбек (1968 жылы туған), Мұсабаев Әділбек (1975 жылы туған); қызы - Мұсабаева Айгүл (1969 жылы туған).